AQŞ prezidentı bolyp qaita sailanǧan Donald Trampty ūlyqtau saltanatyna on kün qalǧanda, oǧan qatysty qylmystyq ıstıŋ ükımı jariialanatyny belgılı boldy, dep habarlaidy "Adyrna" ūlttyq portaly BBC-ge sıltep.
Tramp pornojūldyz Stormi Denielske auyzbastyryq retınde aqşa tölegenın jasyryp, jazbalardy būrmalaǧany üşın aiyptalǧan. Istı qaraǧan sudia Huan Merchan qaŋtardyŋ 10-y künı ükım jariialaitynyn mälımdedı.
Sudianyŋ aituynşa, Trampqa türme jazasy taǧaiyndalmaidy. Ol jeŋıl jaza, mysaly, aiyppūl nemese probasiialyq baqylau mümkındıgın qarastyruda. Sot ükımıne Donald Tramp jeke özı qatysa alady nemese beinebailanys arqyly qosyluǧa rūqsat etıldı.
Mamyr aiynda qazylar alqasy Trampty 34 aiyp boiynşa kınälı dep tapqan edı. Degenmen, Tramp būl aiyptardy moiyndaǧan joq. Onyŋ advokattary prezidenttık immunitetke süiene otyryp, ıstı toqtatudy talap ettı, alaida sot ükım şyǧaru räsımın keiınge qaldyrǧanymen, ony müldem toqtatqan joq.
Būl ıs Trampqa qatysty şyǧarylǧan jalǧyz qylmystyq ükım bolyp otyr. Saiasatker Niu-Iork sottaryna şaǧymdanuǧa qūqyly. Būǧan deiın Trampqa qarsy ekı federaldy ıs onyŋ sailanuyna bailanysty toqtatylǧan. Al Djordjiiadaǧy sot ısı sailau zaŋnamasyn būzuǧa bailanysty uaqytşa toqtap tūr.
Trampqa qatysty sot prosesı ötken jyldyŋ säuırınde bastalǧan. Būl jaǧdai AQŞ tarihyndaǧy prezidentke qarsy eŋ ülken qylmystyq ısterdıŋ bırı retınde qarastyryluda.
Ūqsas jaŋalyqtar
