Qazaqstannyŋ IIM Şerzat Polattyŋ ölımıne qatysty qylmystyq ıstı tergeudı 2024 jyldyŋ soŋyna deiın aiaqtaudy josparlaǧan bolatyn. Bıraq keiınırek taǧy segız qylmystyq ıs tırkeldı, sondyqtan sotqa deiıngı tergeu jalǧasty. Būl turaly QR IIM baspasöz qyzmetı mälımdedı, dep habarlaidy “Adyrna” ūlttyq portaly.
"Almaty oblysynyŋ polisiia departamentı Talǧar qalasynda adam öltıru faktısı boiynşa qylmystyq ıs qozǧady. Sonymen qatar, ūrlyq, būzaqylyq, qorqytu jäne qylmys turaly habarlamau faktılerı boiynşa segız qylmystyq ıs tırkeldı.Is boiynşa 11 aiyptaluşyǧa qatysty "qamau" būltartpau şarasy taŋdaldy. Qazırgı uaqytta sotqa deiıngı tergep-tekseru jürgızılude, onyŋ qorytyndysy boiynşa prosessualdyq şeşım qabyldanatyn bolady", — dep jauap berdı QR IIM baspasöz qyzmetı QazAqparattyŋ 2025 jylǧy 10 qaŋtardaǧy saualyna.
Eske salsaq, 2024 jyldyŋ 4 qazanynda Talǧarda jappai töbeles bolyp, onyŋ barysynda 16 jastaǧy Şerzat Polat pyşaq jaraqatynan qaitys bolǧan edı. Qoǧamdyq rezonans tudyrǧan jasöspırımdı öltıru deregı boiynşa QR Qylmystyq kodeksınıŋ bes baby boiynşa 11 küdıktı qamauǧa alyndy.
2025 jyldyŋ 3 qaŋtarynda Qasym-Jomart Toqaev Şerzat Polattyŋ öltırıluı turaly aitty. Prezident "tergeu äreketterı aiaqtaldy, jaqyn arada būl ıs boiynşa sot prosesı ötetının" mälımdedı.
