"Mediamagnat" Armanjan Baitasov Almatyda joǧary lauazymdy şeneunıkterdıŋ jerdı zaŋsyz iemdenu faktısı boiynşa qozǧalǧan qylmystyq ıs boiynşa tergelude. Būl turaly aqparat Kozachkov Telegram arnasynda jariialandy, dep habarlaidy “Adyrna” ūlttyq portaly.
"Almaty qalasynyŋ qylmystyq ıster jönındegı mamandandyrylǧan audanaralyq sotynda sot prosesı bastaldy. Aiyptauşylar qatarynda būrynǧy basqarma basşysy Almashan Ahmedjanov pen äkımdıktegı jer mäselesıne jauapty Ardaq Samambetov bastaǧan jerge jäne qūrylysqa rūqsat beruge qatysty bır top şeneunık bar. Būl ıs memlekettık qyzmetşılerge ǧana emes, Almatynyŋ deputattary men ırı biznesmenderge de qatysty ıs", – delıngen aqparatta.
Aqparatqa säikes, ısterdıŋ bırıne Armanjan Baitasovtyŋ da qatysy bar körınedı.
"Kütpegen jerden qūrylysqa bırneşe BAQ iesınıŋ de qatysy bar ekenı belgılı boldy. Onyŋ qatarynda "Art-Media Korporasiiasy" JŞS ielıgındegı "Tan Media Grupp" JŞS bar. Būl Almatynyŋ ortalyǧyndaǧy "River Park" tūrǧyn üi keşenın saluşy kompaniia. Ötken jyly qys mezgılınde būl tūrǧyn üi keşenınıŋ tūrǧyndary päterlerde jylu jüiesı jūmys ıstemeitınıne şaǧymdanyp, şu şyǧarǧan. Antikordyŋ habarlauynşa būl keşen zaŋsyz salynǧan. Al būl aumaqta üi saluǧa bolmaitynyn bıle tūra qūjattardy būrmalap, qūrylysqa rūqsat bergen. Almashan Ahmedjanovtyŋ küieu balasy būl tūrǧyn üi keşenınen jyljymaityn mülıkke ie bolyp, mülıktı laiyqty jeŋıldıkpen satyp alǧan. Päter 30 million teŋgeden asady, bıraq satyp aluşy ony 9 million teŋgege alǧan", – delıngen aqparatta.
Sondai-aq, Ahmedjanovqa qyzmettık ökılettıgın asyra paidalandy degen aiyp taǧylǧan.
“Şeneunıkter jeke tūrǧyn üi saluǧa arnalǧan aumaqqa tūrǧyn üi keşenderın saluǧa rūqsat bergen. Mysaly, Ahmedjanovpen kelısımge kelıp zaŋsyz ärket jasaǧandardyŋ bırı Boris Chen. Chen qazır ekı tūrǧyn üi keşenın salu kezınde aqşa jymqyrǧany üşın jazasyn ötep jatyr. Ol qala qūrylysy bölımınıŋ basşysyn ekı jer telımıne bırneşe üi saluǧa rūqsat bekıtuge köndırgen. Onyŋ bırı – jeke tūrǧyn üi qūrylysy bolsa, ekınşısı – jalpy şarua qojalyǧy. Memleketke keltırılgen şyǧyn 150 million teŋgeden asqan”, – dep atap öttı jurnalist.
Eske salsaq, būǧan deiın sybailas jemqorlyqqa qarsy qyzmet şeneunık jer telımderın beru jäne nysandardyŋ qūrylysyna rūqsat beru kezınde qyzmettık ökılettıkterın asyra paidalandy degen küdıkke ılıngenın habarlady.
