"Medıamagnat" Armanjan Baıtasov Almatyda joǵary laýazymdy sheneýnikterdiń jerdi zańsyz ıemdený faktisi boıynsha qozǵalǵan qylmystyq is boıynsha tergelýde. Bul týraly aqparat Kozachkov Telegram arnasynda jarııalandy, dep habarlaıdy “Adyrna” ulttyq portaly.
"Almaty qalasynyń qylmystyq ister jónindegi mamandandyrylǵan aýdanaralyq sotynda sot proesi bastaldy. Aıyptaýshylar qatarynda burynǵy basqarma basshysy Almashan Ahmedjanov pen ákimdiktegi jer máselesine jaýapty Ardaq Samambetov bastaǵan jerge jáne qurylysqa ruqsat berýge qatysty bir top sheneýnik bar. Bul is memlekettik qyzmetshilerge ǵana emes, Almatynyń depýtattary men iri bıznesmenderge de qatysty is", – delingen aqparatta.
Aqparatqa sáıkes, isterdiń birine Armanjan Baıtasovtyń da qatysy bar kórinedi.
"Kútpegen jerden qurylysqa birneshe BAQ ıesiniń de qatysy bar ekeni belgili boldy. Onyń qatarynda "Art-Medıa Korporaııasy" JShS ıeligindegi "Tan Medıa Grýpp" JShS bar. Bul Almatynyń ortalyǵyndaǵy "River Park" turǵyn úı keshenin salýshy kompanııa. Ótken jyly qys mezgilinde bul turǵyn úı kesheniniń turǵyndary páterlerde jylý júıesi jumys istemeıtinine shaǵymdanyp, shý shyǵarǵan. Antıkordyń habarlaýynsha bul keshen zańsyz salynǵan. Al bul aýmaqta úı salýǵa bolmaıtynyn bile tura qujattardy burmalap, qurylysqa ruqsat bergen. Almashan Ahmedjanovtyń kúıeý balasy bul turǵyn úı kesheninen jyljymaıtyn múlikke ıe bolyp, múlikti laıyqty jeńildikpen satyp alǵan. Páter 30 mıllıon teńgeden asady, biraq satyp alýshy ony 9 mıllıon teńgege alǵan", – delingen aqparatta.
Sondaı-aq, Ahmedjanovqa qyzmettik ókilettigin asyra paıdalandy degen aıyp taǵylǵan.
“Sheneýnikter jeke turǵyn úı salýǵa arnalǵan aýmaqqa turǵyn úı keshenderin salýǵa ruqsat bergen. Mysaly, Ahmedjanovpen kelisimge kelip zańsyz árket jasaǵandardyń biri Borıs Chen. Chen qazir eki turǵyn úı keshenin salý kezinde aqsha jymqyrǵany úshin jazasyn ótep jatyr. Ol qala qurylysy bóliminiń basshysyn eki jer telimine birneshe úı salýǵa ruqsat bekitýge kóndirgen. Onyń biri – jeke turǵyn úı qurylysy bolsa, ekinshisi – jalpy sharýa qojalyǵy. Memleketke keltirilgen shyǵyn 150 mıllıon teńgeden asqan”, – dep atap ótti jýrnalıst.
Eske salsaq, buǵan deıin sybaılas jemqorlyqqa qarsy qyzmet sheneýnik jer telimderin berý jáne nysandardyń qurylysyna ruqsat berý kezinde qyzmettik ókilettikterin asyra paıdalandy degen kúdikke ilingenin habarlady.
