Ádilet mınıstri bolyp Talǵar aýdanynyń týmasy taǵaıyndaldy, dep habarlaıdy "Adyrna" ulttyq portaly.
“Memleket basshysynyń Jarlyǵymen Erlan Jaqsylyquly Sársembaev Qazaqstan Respýblıkasynyń Ádilet mınıstri laýazymyna taǵaıyndaldy”, delingen habarlamada.
Prezıdent Toqaev ádilet mınıstri Esqaraevty otstavkaǵa jiberdi. Azamat Esqaraev ádilet mınıstri laýazymyna 2023 jyldyń sáýirinde qaıta taǵaıyndalǵan.
Erlan Sársembaev 1975 jyly Almaty oblysy, Talǵar aýdany, Oktıabr aýylynda dúnıege kelgen.
2002-2005 jyldary Premer-Mınıstr Keńsesiniń Qorǵanys jáne quqyq tártibi bóliminiń keńesshisi, sodan keıin sektor meńgerýshisi qyzmetin atqardy.
2005-2011 jyldary Senat Apparatynda jumys istedi, Halyqaralyq ister, qorǵanys jáne qaýipsizdik komıtetimen ózara is-qımyl departamenti basshysynyń orynbasary, sondaı-aq Áleýmettik-mádenı máseleler jónindegi komıtetpen ózara is-qımyl bóliminiń meńgerýshisi qyzmetterin atqardy. Damý.
Keıinnen Qazaqstannyń ulttyq qaýipsizdik organdarynda qyzmet atqaryp, Ulttyq qaýipsizdik komıteti (UQK) Zań departamenti bastyǵynyń orynbasary jáne bastyǵy, Parlament Senaty Apparatynda áleýmettik-mádenı damý jáne ǵylym komıtetimen ózara is-qımyl bóliminiń meńgerýshisi qyzmetin atqardy.
2017-2019 jyldary Senat Apparaty basshysynyń orynbasary boldy. Al 2019-2022 jyldary Senat Apparatynyń Halyqaralyq qatynastar, qorǵanys jáne qaýipsizdik komıtetimen ózara is-qımyl bólimin basqardy.
