Ózbekstan parlamentiniń tómengi palatasy spıkeriniń orynbasary, «Mıllıı tıklanısh» partııasynyń jetekshisi Álisher Qadyrov bilim, televıdenıe jáne basqa da salalarda orys tiliniń paıdalanylýyn qaıta qaraý qajettigin aıtty, dep habarlaıdy «Adyrna» tilshisi.
«Reseıdiń resmı ókilderi shovınısterdiń oǵash qylyqtaryn aıtýmen ǵana shektelip otyr. Keıingi kezde osy taqyryptan basqa áńgimelerdi estimeıtin boldyq. Mundaı jaǵdaıda qarym-qatynasty jaqsartýdyń praktıkalyq sharalary týraly oılanýymyz kerek. Máselen, orys tili bilim berý salasy men teledıdarda keńinen qoldanylady. Alaıda elimizde orystildi azamattarymyzdyń úlesi 3%-ǵa da jetpeıdi. Bul teńgerimsizdikti túzetý kerek»,—dedi ol.
Sondaı-aq Qadyrov bastaýysh bilimdi ana tilinde oqytýdy zańmen bekitý kerek ekenin málimdedi.
«Qazaq, ázirbaıjan, qyrǵyz, túrikmen, túrik, tájik aǵaıyndarymyzdyń telebaǵdarlamalarymen almasaıyq. Bul máselelerdi aldaǵy frakııa otyrystarynda talqylaıtyn bolamyz», — dep tolyqtyrdy saıasatker.
Eske salaıyq, buǵan deıin reseılik tarıhshy Mıhaıl Smolın «Mesto vstrechı» tok-shoýynda 1917 jylǵy revolıýııaǵa deıin qazaqtar da, ózbekter de ult retinde bolmaǵanyn aıtqan edi.
