Ońtústik Koreıa men Japonııanyń áskerleri Soltústik Koreıanyń Japon teńizine qaraı belgisiz snarıad ushyrǵanyn habarlady. Bul týraly Reuters agenttigi málimdedi, dep habarlaıdy “Adyrna” ulttyq portaly.
Reuters agenttiginiń málimetinshe, Ońtústik Koreıanyń Birikken shtab bastyqtary Soltústik Koreıadan belgisiz snarıad ushyrylǵanyn anyqtap habarlaǵan.
Japon úkimeti de bul aqparatty rastap, onyń ballıstıkalyq zymyran bolýy múmkin ekenin aıtqan. Japonııa jaǵalaý kúzeti kemelerdi zymyran sýǵa qulasa, oǵan jaqyndamaı, saq bolýǵa shaqyrdy.
Ońtústik Koreıa áskerleri, bul bıylǵy jyldyń basynan beri KHDR snarıadynyń 11-inshi ushyrylymy ekenin atap ótti. Buǵan qosa, AQSh pen Ońtústik Koreıa KHDR Birikken Ulttar Uıymy Qaýipsizdik Keńesiniń (BUU Qaýipsizdik Keńesi) qararlaryn buzyp, 2017 jyldan beri alǵash ret tolyq qashyqtyqqa ushatyn qurlyqaralyq ballıstıkalyq zymyrandy (ICBM) ushyrýǵa daıyndalýy múmkin ekenin eskertti.
“Adyrna” ulttyq portaly
