Reseıde Anatolıı Vasserman degen «bilgishsymaq» bar. Ýkraınanyń Odessasynyń týmasy. Biraq, Reseıdiń adal «quly».
Jýrnalıst, saıası keńesshi, «aqyldylar oıyndaryna» qatysýshy t.b. 2015 jyly Reseı azamattyǵyn surap alǵan. Qazir 72-degi bul shal - Reseı Dýmasynyń depýtaty. EO bastaǵan 8 el buǵan jeke sankııa salǵan. Ne úshin deseńiz: 2022 jyly Ýkraınanyń Doneki men Lýganskisin «jeke memleket» dep moıyndańyz dep Pýtınge osy qaırylǵan. Keıin Ýkraınaǵa soǵys ashýdy qoldap: «Bul Reseı tarıhynda «tórt kúndik soǵys» bolyp jazylady», - dep sóılegen. Keıin: «Soǵys aıaqtalǵan soń Ýkraınanyń táýelsizdigin múldem joıý kerek», - dep kókigen.
Sol Vasserman shal búıdeıdi: «KSRO-nyń qandaı da bir qalypta qaıta tirilýi - qashyp qutylmaıtyn shyndyq. Biz muny 2025 jyly oryndaýymyz múmkin. Olaı bolmaǵan jaǵdaıda taǵy birneshe jyl kúte turýǵa týra keledi.
Nege qashyp qutylmas shyndyq? Óıtkeni ımperııalar erte me, kesh pe ydyraıtyny belgili. Bul bir-birinen óte alys qashyqtyqta ornalasqan aımaqtardy qosyp, bir ortalyqtan baǵyndyrylǵan otarlyq ımperııalarǵa tán qasıet.
Biraq ǵasyrlar boıy irgeles ómir súrgen jáne ǵasyrlar boıy ózara tıimdi árekettestik formattaryn izdegen halyqtardan qurylǵan kontınenttik ımperııalar da bar.
Kontınenttik ımperııalar qandaı da bir sebeptermen ydyrasa da, tez qalpyna keledi. Eń qarapaıym mysal: qazirgi Eýropalyq Odaq.
Reseı - kontınenttik ımperııanyń klassıkalyq úlgisi. Ol óz tarıhynda birneshe ret qulap, únemi qalpyna kelip otyrdy. Bul Reseıde turatyn halyqtardyń ózara tıimdi árekettestik nysandaryn derbes tańdaǵandyqtan boldy. Sondyqtan, bul joly da qaıta kúsh alamyz. KSRO-nyń qaıta jańǵyrýy 2025 jyldan bastalýy múmkin», - deıdi.
Bul Reseıdegi aljýǵa bet alǵan kezekti bir kári shaldyń óler aldyndaǵy kelmeske ketken KSRO-ny armandap jatyp aıtqan bos bylshyly ǵana emes. Bul - Reseıdegi saıası ortanyń túpki oıy, arman-muraty. Kerek deseńiz, bul - Kremldiń pozıııasy.
Nurgeldi Abdygani
