COVID-19 indetimen kúresý maqsatynda álemniń ártúrli elderinde birneshe vakına jasalǵan bolatyn. Búginde koronavırýsqa qarsy 200-ge jýyq vakına bar bolsa, onyń 63-i klınıkalyq synaqtan ótip jatyr. Al alty vakına dúnıejúzi memleketterinde halyqty vakınaııalaý úshin qoldanylýda. Dese de, klınıkalyq zertteýlerdiń úshinshi kezeńi áli aıaqtalǵan joq. Qazirgi tańda pandemııaǵa qarsy qandaı vakınalar bar jáne olar qaı elderde qoldanylyp jatyr? «Adyrna» tilshisi eń tanymal ekpeler tizbegin nazarlaryńyzǵa usynady.
Pfizer, BioNTech vakınasy
Amerıkandyq farmaevtıkalyq kompanııa «Pfizer» men nemis «BioNTech» kompanııasy jasaǵan vakına – DDU-men resmı túrde maquldanǵan alǵashqy vakına. Jyl basynda Eýropalyq komıssııa Pfizer/BioNTech kompanııalary jasap shyǵarǵan vakınanyń
300 mln dozasyn satyp alatynyn habarlaǵan edi.
Álemniń 19 eli óz azamattaryn dál osy vakınanyń kómegimen vırýstan qorǵaýǵa nıetti. Olardyń qatarynda AQSh, Ulybrıtanııa, Saýd Arabııasy syndy elder bar. Qazirgi tańda ekpe Germanııa men Belgııada shyǵarylady.
Moderna vakınasy
Amerıkalyq Moderna bıotehnologııalyq kompanııasy ázirlegen vakına ótken jyldyń jeltoqsan aıynda Amerıka Qurama Shtattarynda qoldanýǵa ruqsat etildi. 6 qańtarda ol EO-da maquldanǵan bolatyn. Ekpeni ázirleýshiler vakınanyń kóp bóligin Moderna kásiporyndarynyń biri ornalasqan Massachýsets shtatynda shyǵaratyndaryn málimdedi. 2021 jyly shamamen 1 mlrd doza óndirý josparlanýda.
Aıta keteıik, amerıkalyq vakınanyń 80 mıllıon dozasyn Eýropalyq Odaq satyp alýǵa nıet bildirdi. Ony AQSh, Japonııa, Shveıarııa, Ońtústik Koreıa, Germanııa memleketteri qoldanbaq.
Sputnik V vakınasy
Sputnik V – koronavırýsqa qarsy alǵashqy tirkelgen vakına. Ony Reseıdegi Gamaleıa atyndaǵy Ulttyq epıdemıologııa jáne mıkrobıologııa zertteý ortalyǵynyń ǵalymdary oılap tapty. Ekpeni alýǵa Belarýs, Argentına, Aljır, Serbııa, Úndistan sekildi 50-den astam el tapsyrys berdi.
Elimizde 1 aqpannan bastap Spýtnık V vakınasyn salý bastaldy. Ekpeni alǵashqylardyń biri bolyp bas memlekettik sanıtar dáriger Erlan Qııasov, Densaýlyq saqtaý vıe-mınıstri Ajar Ǵınııat, Almaty qalasynyń bas memlekettik sanıtarlyq dárigeri Jandarbek Bekshın, Almaty qalasy ákiminiń orynbasary Erjan Babaqumarov alyp úlgerdi.
Sinopharm vakınasy
Qytaıda jasalǵan Sinopharm vakınasy qazir klınıkalyq zertteýlerdiń sońǵy kezeńinen ótýde. Bul memleket vakınaııalaýdy bastaǵan elderdiń qatarynda bolmasa da, is júzinde mıllıonǵa jýyq qytaılyq ekpe alǵan bolatyn.
Vakına Birikken Arab Ámirlikterinde qoldanýǵa ruqsat etildi. Resmı derekterge súıensek, el 3 mıllıon dozaǵa tapsyrys berdi. Sondaı-aq, Bahreın men Pákistan da osy preparattyń 1,2 mıllıon dozasyn satyp alýǵa daıyn ekenin málimdedi. 2021 jyldyń aıaǵyna deıin Sinopharm vakınanyń mıllıard dozasyn shyǵarmaq.
QazCovid-In vakınasy
Otandyq QazCovid-In klınıkalyq synaqtyń úshinshi fazasynan ótip jatyr. Onyń quramynda álsiretilgen vırýs bar. Vakına qoldanysqa 2021 jyldyń ekinshi toqsanynan bastap engiziledi.
Eske salaıyq, buǵan deıin Premer-Mınıstr otandyq ekpeniń tıimdiligi 96 proent ekendigin atap ótken edi.
«Adyrna» ulttyq portaly
