Búgin Jezqazǵanda «ULYTAU ZHASTARY» baǵdarlamasynyń qatysýshylaryna jeńildetilgen nesıeleý boıynsha turǵyn úı berýge sertıfıkattar tabystaldy. Saltanatty sharaǵa óńir basshysy B.Ábdiǵalıuly, «Otbasy bank» AQ ókilderi jáne sertıfıkatqa ıe bolǵan jas mamandar qatysty.
Esterińizge sala keteıik, bıyl óńirimizdiń jastaryna jeńildetilgen nesıe berý týraly sheshim qabyldanǵan bolatyn. Ulytaý oblysynyń áleýmettik-ekonomıkalyq damýynyń keshendi jospary aıasynda oblys ákimdigi men «Otbasy bank» AQ iske asyratyn «ULYTAU ZHASTARY» baǵdarlamasyna oblystyq bıýdjetten 500 mln teńge bólingen edi. «Otbasy banki» AQ-da óz kezeginde osy maqsattarǵa taǵy 250 mln teńge bóldi.
Nesıe jyldyq 5 paıyz mólsherlememen 20 jylǵa deıin beriledi. Mindetti shart-10 paıyzdyq bastapqy jarnanyń bolýy. Jyl sońyna deıin osy baǵdarlamanyń arqasynda 40-tan astam jas (muǵalimder, dárigerler, jýrnalıster, mádenıet jáne sport, áleýmettik sala qyzmetkerleri, JOO oqytýshylary men ǵylymı qyzmetkerler) turǵyn úımen qamtamasyz etiledi dep kútilýde.
Aıta keteıik, qazirgi ýaqytta 29 adam ózderiniń tólem qabilettiligin rastap, nesıelik ótinimderdi maquldady.
