2025 jyldyń 1 qańtarynan bastap Shveıarııada qoǵamdyq oryndarda paranja men nıqab sekildi bet-álpetti tolyqtaı jabatyn kıimderdi kııýge tyıym salyndy, dep habarlaıdy “Adyrna” ulttyq portaly.
Jańa zańda paranja men nıqabty dúkenderde, meıramhanalarda, memlekettik mekemelerde jáne qoǵamdyq kólikterde kııýge bolmaıdy. Alaıda sýyqtan qorǵaný úshin betti jabatyn kıimderdi qoldanýǵa ruqsat etilgen. Ereje buzǵandarǵa 100-den 1000 shveıarlyq frankke (shamamen 110-1102 AQSh dollary) deıin aıyppul salynady.
TASS dereginshe, tyıym 2021 jyldyń naýryzynda ótken referendýmda maquldanǵan. Sol kezde saılaýshylardyń 51,2%-y shekteýdi qoldap daýys bergen bolatyn.
Shveıarııa prezıdenti Karın Keller-Zýtterdiń aıtýynsha, bul tyıym eldegi musylman qaýymynyń az ǵana bóligin qamtıdy. Onyń málimetinshe, elde nıqab kıetin áıelderdiń sany shamamen 20-30 adamdy quraıdy.
