Balıǵat jastaǵy qyz bala oramalmen júrýi kerek. Bul týraly Bas múftı Naýryzbaı qajy Taǵanuly túsinikteme berdi, dep habarlaıdy “Adyrna” ulttyq portaly.
"Nıkab – bul adamnyń betin jaýyp turatyn kıim. Al sharıǵat nıkabty mindettemeıdi. Sharıǵatta nıkabpen júrýge qatysty mindet joq", - dedi Taǵanuly jýrnalısterge bergen suhbatynda.
Osy oraıda bas múfti nıkab sııaqty dinı kıimderge zańmen tyıym salý máselesine qatysty óz oıyn da aıtty.
"Nıkabty zańmen shekteý máselesin zań oryndary ózderi sheshedi. Al biz óz nasıhatymyzdy aıttyq, biz zań shyǵarmaımyz, tek mynaý bolady, mynaý bolmaıdy dep halyqqa túsindiremiz. Árıne, biz de zańǵa baǵynamyz. Biz halyqtyń paıdasyna shyǵatyn kez kelgen zańǵa baǵynamyz", - dep atap kórsetti Taǵanuly.
Sondaı-aq, ol balıǵat jastaǵy qyz oramalmen júrý keregin aıtty.
“Balıǵat jastaǵy, Allaǵa sengen kez kelgen qyz balanyń oramalmen júrýin sharıǵat mindettegen. Sondyqtan balıǵat jastaǵy qyz bala oramalmen júrýi kerek. Biz ony osyǵan deıin de aıttyq. Namaz oqıtyn qyz bala oramalmen júrgisi keledi. Onyń quqyǵy nege shektelýi kerek?», - deıdi Bas múftı.
Aıta ketsek, balıǵat jas qyz balalarda 9 jastan, ul balalarda 13 jastan bastalady.
Eske salsaq, osyǵan deıin oqý-aǵartý mınıstri Ǵanı Beısembaev mektep oqýshylary mektep formasy kııý kerek degen bolatyn. Mınıstr Konstıtýııada elimiz zaıyrly bolyp sanalǵandyqtan, mektep te zaıyrly bolýy keregin alǵa tartqan edi.
