Pýtındi taǵynan taıdyrýǵa bolady, eger...

3807
Adyrna.kz Telegram

Navalnyıdyń ıýtýbtegi atyshýly vıdeosy 85 mln kórilim jınapty jáne onyń toqtaıtyn túri joq. Negizi Navalnyı jyl bastala salysymen Pýtınge tópeletip aýyr soqqylar jasady.

Jyl basynda "sen qandyqolyńmen adam ýlap óltirip júrsiń, meni sen óltirmek boldyń" degendi dáleldep bir shýlatty.Pýtın bıligi odan nokdaýn alyp ózine áreń kelgen edi. "Má, taǵy usta" dep altyn jalatqan saraıdy saldy. Odan kúlli Reseı, jalǵyz orys emes bútin álem shok aldy. Endi jurt Hrısto Grozevtiń "Reseıde ýlanyp ólgen Pýtınniń saıası qarsylastary" týraly zertteýin kútip otyr. Ol da ózinshe aýyr soqqy bolmaq.

Syrtqy saıasatta da Pýtın byltyr Erdoǵannan myqtap taıaq jedi. AQSh ta bılik basyna Pýtınge juldyzy qarsy Baıden keldi. Ol da pýtın júıesine bir úlken qaýip. Jalpy Baıden naǵyz Amerıkanyń prezıdenti bolady. Oǵan meniń eshqandaı kúmánim joq. Ol dereý jahandy óz qolyna alyp eski tártipti qaıtarady, tentekti jazalaıdy, dostaryn qasyna tartady. Onyń syrtqy saıasaty da Reseıge qatty burylady, ony bári sezip otyr.

Endi keshe jelini sholyp otyrsam, Reseı oppozııonerleri: "bul Pýtınniń aqyry bolmaq, biz taǵy mıtıngke shyǵamyz, rejımniń kúni bitti" dep kijinip biraz rýhtanyp otyr eken. Menińshe, bul asyra aıtylǵan sóz bolsa kerek. Reseı Qyrǵyzstan emes, Grýzııa emes. Qalaı dese de ol ıadrolyq, áskerı derjava. Pýtınniń ózi álemdegi dıktatorlardyń qorǵany jáne ózi de, aınalasy da shirigen baı. Olar ózin qorǵap otyrǵan polıııasyna tóleıtin jalaqy taýyp bere almaı otyrǵan beıshara Lýkashenko emes. Olardyń eki - úsh soǵysty qarjylandyrýǵa qarajaty jetedi, kóshedegi shýlaǵan jalańqol halyqty qaıtsin.

Pýtın - Asadty, Madýrony jalpy álemdegi dıktator ataýlyny qorǵap otyrǵan adam. Óziniń bıligin de ózi ázirshe qorǵaı alady. Ol ólispeı berispeıdi. Óıtkeni onyń bul planetada qashyp basqa baratyn jeri de joq. Taǵynan ketse bárinen aıyrylady. Kúni qarań bolady, baratyn jeri de belgili. Onyń mańyndaǵy toby da bul taıtalasta "kemedeginiń jany bir" dep baryn salady. Jáne Asad, Lýkashenko, Madýro sııaqty dostaryna "ólseńder de ornyńnan ketpeńder" dep olardy qoldap otyrǵan Pýtınniń mynadaıdan uıaty oıanyp ózi taǵynan kete qoıady degen sóz - ol bolmaıtyn áńgime. Sondyqtan bul jerde mende qandaı da bir optımızm joq.

Eger.... Eger..

Reseı oppozıııasy Baıdenmen ymyralasyp odan Pýtınniń aınalasyna aýyr sankııalar talap etip, onyń dostaryna qońyz tergizip jiberse...

Baıden jahandy Reseı munaıynan bas tartýǵa májbúrlese...

Baıden Reseıdi halyqaralyq tólemder júıesi SWIFT ten ajyratyp tastasa, onyń arty elge ekonomıkalyq haos ákelip, odan halyq narazylyǵy órship bir dúmpý bolar edi...

Mine sol kezde bılik júıesi shatqaıaqtap, onyń aınalasyndaǵy dostary Pýtınnen bastaryn ala qashyp, birin biri satyp, onyń bıligi qatty álsirep keter edi.. Tap sol kezde orys oppozıııasyna úlken múmkindiktiń oraıy týar ma edi..

Qazir bunyń biri de joq. Pýtın júıesi de ishteı uıymdasyp shaıqasqa bekinip otyr, olar — komanda.

Iaǵnı, Reseı oppozıııasynyń baı qýatty, áleýetti rejımmen kúresinde osyndaı súıenetin bir negizi bolýy kerek.

Al bılikti qazir Reseıde kóshedegi mıtıngpen tartyp alamyn deý menińshe bos áýreshilik.

Sırııadaǵy Pýtınniń dosy Bashar Asad óz bıligin saqtap qalýy úshin eldiń jartysynan kóbin úıindige aınaldyrdy.

Sebebi ol bıliginen aıyrylsa onyń baratyn jeri tek qana áskerı trıbýnal.

Bundaı senarıı de Pýtınniń qolynan keledi.

Sondyqtan Reseıde qandaı da bir syrtqy áleýetti kúshterdiń járdeminsiz ózgeris bola qoımas.

Árıne, halyq biraz dúbirleýi múmkin, bıyl kúzde parlament saılaýy kele jatyr, basqasy da bar degendeı...

Biraq jalańqol halyq menińshe mıtıngiletip Reseıde qazir túk sheshe almaıdy.

Oljas ÁBIL,

Facebook paraqshasynan alyndy. 

Pikirler