Jelıde polisiia qyzmetkerlerınıŋ jas jıgıttı anasynyŋ közınşe küştep äskerge alyp ketpek bolǧany tüsırılgen video tarady, dep "Adyrna" ūlttyq portaly.
Äleumettık jelıde taraǧan video köptıŋ aşuyna tidı. Ekı polisiia qyzmetkerı jas jıgıttı jerge qūlatyp, ūstap, anasynyŋ közınşe bır jaqqa alyp bara jatyr. Al ūlyna alaŋdaǧan anasy ony bosatudy sūrap jylap jürgenın köruge bolady. Videoda Aqtöbe oblysynda bolǧany körsetılgen.
Aqtöbe oblystyq polisiia departamentı bastyǧynyŋ bırınşı orynbasary Ardan Saimaǧambetov videoǧa qatysty pıkır bıldırgen.
“Būl mälımdemelerdıŋ şyndyqqa janaspaidy. Qaqtyǧys bolǧan jerge polisiia qyzmetkerlerı şaqyrtu boiynşa barǧan. Äskeri komissariat qyzmetkerlerı men äskerge şaqyryluşynyŋ arasynda janjal bolǧany, janjal kezınde äskerge şaqyrylǧan jıgıttıŋ basqalardy qorqytyp, elektrşoker paidalanǧany anyqtaldy. Qoǧamdyq qauıpsızdıktı qamtamasyz etu maqsatynda polisiia qyzmetkerlerı zaŋǧa säikes äreket ettı. Alaida jas jıgıt qarsylyq körsetıp, poliseilerdıŋ zaŋdy talabyn oryndamaǧan", — dedı polisiia bastyǧynyŋ orynbasary.Onŋ sözınşe, äskeri qyzmetkerlerdıŋ äreketı boiynşa jinalǧan material prosessualdyq şeşım qabyldau üşın Äskeri tergeu basqarmasyna jıberıldı. Polisiia qyzmetkerlerınıŋ äreketıne qatysty da tekserıs jürgızılmek.
Ūqsas jaŋalyqtar
