Almaty oblysynda joǧalyp ketken äskeri tıkūşaqty ızdestıru barysynda qūtqaruşylar onyŋ bölşekterıne ūqsas elementterdı tapty, dep habarlaidy "Adyrna" ūlttyq portaly Tötenşe jaǧdailar ministrlıgıne sılteme jasap.
Ǧaryştyq monitoring nätijesınde Sorbūlaq kölınıŋ betınde maily daq anyqtalyp, sol aumaqqa dereu qūtqaru toptary jıberılgen. Izdeu kezınde tıkūşaqqa tiesılı boluy mümkın bölşekter tabylǧany habarlandy.
Qazır oqiǧa ornynda Tötenşe jaǧdailar ministrlıgınıŋ 200-ge juyq qyzmetkerı, 40 tehnika, 15 su kölıgı, 4 kinologiialyq top jäne 2 tıkūşaq jūmyldyrylǧan. Izdestıru jūmystary täulık boiy, tünde de toqtatylmastan jalǧasyp jatyr.
Jūmys barysynda eholot, dron jäne suasty qūrylǧylary qoldanyluda.
Oqiǧanyŋ naqty män-jaiyn anyqtau jūmystary jürgızılude.
Eske sala keteiık, 25 şılde künı Qazaqstan qorǧanys ministrlıgıne qarasty EC-145 ülgısındegı äskeri tıkūşaq josparly oqu-jattyǧu ūşuy kezınde radardan joǧalyp ketken bolatyn.
