10 jeltoqsan künı Almaty qalasy Qoǧamdyq damu basqarmasynyŋ qoldauymen Alatau Creative Hub innovasiialyq mädeni ortalyǧynda «Adam saudasy qūrbandaryna kömek körsetudegı özektı mäseleler» atty jobanyŋ qorytyndy döŋgelek üstelı öttı.
Is-şaraǧa memlekettık organdar, qūqyq qorǧau ūiymdary, polisiia departamentı, medisina qyzmetkerlerı, psihologtar men pedagogtar qatysty.
Döŋgelek üsteldıŋ maqsaty — adam saudasyna qarsy küres jolynda atqarylyp jatqan jūmystardy talqylap, zaŋnamalyq jäne praktikalyq tūrǧyda tuyndap otyrǧan mäselelerdı anyqtau, sondai-aq adam saudasynyŋ qūrbandaryna tiımdı kömek körsetu joldaryn qarastyru boldy.
Jiyndy Almaty qalasy äkımdıgınıŋ Qoǧamdyq damu basqarmasy Azamattyq basqarmaardy qoldau bölımınıŋ bas mamany Bauyrjan Amantaiūly aşyp, “Adam saudasy qūrbandaryna kömek körsetudegı özektı mäseleler” atty joba aiasynda jūmys ıstegen mamandarǧa alǧysyn bıldırdı.
Is-şara barysynda bırneşe negızgı mäseleler köterıldı.
Aldymen, Almaty qalasy departamentınıŋ polisiiasy Jadyra Qaŋtarbaeva qūqyq qorǧau organdarynyŋ üilesımdılıgı men üilestıru mäselelerı turaly aitty. Onyŋ aituynşa, qūqyq qorǧauşylar men azamattyq qoǧam arasyndaǧy özara ärekettestık köbınese jetıspeuşılıkke ūşyrauda. Būl qūrbandarǧa uaqytynda kömek körsetuge kedergı keltıredı.
”Bız būl joba aiasynda äkımşılıkpen jäne bırneşe mamandarmen bırıgıp jūmys ıstei otyra, adam saudsy qūrbandaryn anyqtadyq. Sauna, monşa syndy jerlerdı teksere kele, keibır mäjbürlı türde qyzmet etuşılerdıŋ bar ekenın bıldık. Būl ıs boiynşa jūmystar jürgızılude. Sonymen qatar, adam saudasy mäselesıne bei-jai qaramaudy sūraimyn. Barlyǧymyz bırıgıp jümys ısteuımız qajet”, dedı Jadyra Qaŋtarbaeva.
Sonymen qatar, şara barysynda adam saudasy qūrbandaryna psihlogiialyq kömektıŋ qajettılıgı turaly aityldy. № 29 qalalyq emhana psihology Zohida Torokanovnanyŋ aituynşa, adam saudasy qūrbandary köbınese jaraqattar men psihologiialyq problemalarǧa tap bolady, olarǧa käsıbi psihologtar men äleumettık qyzmetkerlerdıŋ qoldauy qajet.
”Bız osy joba aiasynda adam saudasy qūrbandarymen bailanysyp, jūmys ıstedık. Būryn mūndai mäselege tap bolatyn adamdar az körınetın. Degenmen elımızde adam saudasynyŋ qūrbandary köp eken. Olarǧa aldymen, psihologiialyq kömek körsetuımız qajet. Bız joba aiasynda halyqqa aqparattandyru jürgızdık. Adam saudasyna kuä bolǧan jaǧdaida nemese qūrbany bolǧanda ne ısteu kerek, qaida jügınu keregın aittyq. Būl mäsele jai qaraudy qajet etpeidı”, dedı psiholog maman.
Joba aiasynda atqarylǧan eŋ maŋyzdy ısterdıŋ bırı - adam saudasy turaly bılım men aqparatty halyq arasynda keŋınen taratu. Sebebı būl qylmys köbınese jasyryn türde jüredı jäne qoǧamnyŋ habardarlyǧy mäselesı özektı bolyp otyr.
Sondai-aq, Almaty qalasy Alatau audandyq medisinalyq bırlestıgınıŋ basşysy Aqmira Mahambetqaliqyzy adam saudasy qūrbandaryna psihologiialyq kömekpen qatar, medisinalyq kömektıŋ asa qajet ekenın aitty. Onyŋ aituynşa, adam saudasynyŋ qūrbandary köp jaǧdaia jabylyp, medisinalyq kömekke jügınbei qalady. Sondyqtan osyndai jobanyŋ jürgızıluı maŋyzdy.
Is-şara soŋynda qatysuşylar bırıgıp, adam saudasynyŋ qūrbandaryna kömek körsetudıŋ jaŋa täsılderı men tiımdı ädısterın anyqtau üşın ūsynystar äzırleudı ūsyndy. Keleşekte osyndai döŋgelek üstelderdı jiı ötkızıp, qoǧam men qūqyq qorǧau organdarynyŋ küş bırıktıruı maŋyzdy ekendıgı atap ötıldı.
