Memleket basşysy Qasym-Jomart Toqaev «Organikalyq önım öndırısı jäne ainalymy turaly» Qazaqstan Respublikasynyŋ Zaŋyna qol qoidy. Būl turaly Aqorda jariialady, dep habarlaidy “Adyrna” ūlttyq portaly.
Zaŋ tabiǧi resurstardy saqtauǧa jäne olardy ūtymdy paidalanuǧa, sondai-aq dūrys tamaqtanu daǧdysyn qalyptastyryp, organikalyq önım naryǧyn damytuǧa baǧyttalǧan.
Zaŋǧa bırqatar jaŋa ereje engızılgen:
Bırınşıden, Zaŋda organikalyq önım öndırısı men ainalymy salasyndaǧy ūlttyq zaŋnamanyŋ maqsattary men mındetterı qaita qaralǧan.
Ekınşıden, organikalyq önım öndıruşılerdıŋ aiasy keŋeitılgen. Iаǧni, olardyŋ qataryna jeke jäne zaŋdy tūlǧalardan bölek, organikalyq önım öndırumen ainalysatyn bırlestıkterdı (jai serıktestıkterdı) jatqyzuǧa bolady.
Üşınşıden, Zaŋda organikalyq önım öndıruge köşu şarttary qarastyrylǧan jäne onyŋ öndırısıne, taŋbalanuyna jäne ainalymyna qatysty talaptar bekıtılgen.
Törtınşıden, organikalyq önım öndırısı salasyndaǧy halyqaralyq täjıribeler men standarttarǧa säikestendıru maqsatynda öndırılgen önımnıŋ sapasy üşın erıktı qatysu, ışkı baqylau, sondai-aq ūjymdyq jauapkerşılık qaǧidattaryna negızdelgen bırlesken kepıldıkter jüiesın (PGS) qūru jäne onyŋ jūmysy jönındegı erejeler qamtylǧan.
Sondai-aq Memleket basşysy «Qazaqstan Respublikasynyŋ keibır zaŋnamalyq aktılerıne organikalyq önım öndırısı jäne ainalymy mäselelerı boiynşa özgerıster men tolyqtyrular engızu turaly» Qazaqstan Respublikasynyŋ Zaŋyna qol qoidy.
Zaŋnyŋ mätını baspasözde jariialanady.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz