Italııadaǵy sulýlyq baıqaýynyń jeńimpazy dzıýdodan el chempıony atandy

3493

Italııadaǵy sulýlyq baıqaýynyń jeńimpazy atanǵan qazaq qyzy, astanalyq Áıgerim Ábilqadyrova dzıýdodan Atyraýda ótip jatqan Qazaqstan birinshiliginde jeńimpaz atandy, dep habarlaıdy “Adyrna” ulttyq portaly.

Áıgerim 52 keli salmaqta top jardy. Ol fınalda Aqmola oblysynyń ókili Tolǵanaı Ábeýovadan basym túsken. Bul – Áıgerim Ábilqadyrovanyń Qazaqstan chempıonatynda jeńip alǵan 12-altyny.

Dzıýdoshy qyzdyń sulýlyq álemindegi jetistikteri de az emes. Ol bıyl Italııada ótken «Miss Europe Continental-2022» baıqaýynda jeńiske jetken bolatyn.

Sondaı-aq, Áıgerim Ábilqadyrova –  grepplıngten áıelder arasynda Qazaqstannan shyqqan tuńǵysh ári jalǵyz álem chempıony.

Osydan eki jyl buryn jaraqat alyp, úlken sporttan alystaǵan dzıýdoshy tatamıge iri jeńispen oralyp otyr.

Aıta keteıik, 52 keli salmaq dárejesindegi qola medaldy mańǵystaýlyq Gúldana Almuhanbetova enshiledi.

Pikirler
Uqsas jańalyqtar