Bügın, 10 mausymda Turizm jäne sport ministrlıgı şahmatşy Bibısara Asaubaevanyŋ daiyndyǧyna 210 million teŋge bölıngenın mälımdedı, dep habarlaidy «Adyrna» tılşısı.
Vise-ministr Serık Jarasbaevtyŋ sözınşe, būl qarajatqa Sport pen turizmdı qoldau qorynyŋ, Qazaqstan şahmat federasiiasynyŋ jäne basqa da ūiymdardyŋ qarjysy kıredı.
«Ministrlık bölgen qarajattan bölek, Şahmat federasiiasy da biudjetten tys qarjy böledı. Federasiiamen jäne türlı vedomstvolyq ūiymdarmen bırlesıp, 2026 jyly Bibısara Asaubaevanyŋ daiyndyǧyna jalpy alǧanda şamamen 210 million teŋge qarastyrdyq. Byltyr būl körsetkış şamamen 160 million teŋge bolǧan», – dedı ol arnaiy ūiymdastyrylǧan brifingte.
Jarasbaev 2023–2024 jyldary sportşynyŋ Sportty damytu direksiiasy arqyly aiyna şamamen 1 million teŋge jalaqy alyp kelgenın mälımdedı. Alaida 2025 jyly basym sport türlerınıŋ tızımın aiqyndaityn jaŋa zaŋ küşıne enıp, şahmat būl tızımge kırmegen. Sebebı ol olimpiadalyq sport türıne emes, keşendı sporttyq ıs-şaralarǧa jatqyzylǧan. Vise-ministrdıŋ aituynşa, osyǧan bailanysty sportşynyŋ kelısımşart boiynşa jalaqysy qysqartylǧan, öitkenı būrynǧydai olimpiadaşylardyŋ deŋgeiınde qarjylandyru mümkın bolmaǧan.
Ministrlık ökılı sportşynyŋ Sport Qory qoryna qatysty synyna da jauap berdı. Serık Jarasbaevtyŋ aituynşa, Bibısara Asaubaevanyŋ ötınımı maqūldanyp, halyqaralyq jarystarǧa daiyndaluy üşın qor arqyly 100 million teŋge bölıngen.
Vise-ministrdıŋ pıkırınşe, şahmatşy qarjylandyruǧa qatysty ekınşı ötınımdı meŋzegen boluy mümkın. Alaida qor biudjetınıŋ şekteulı boluyna bailanysty būl ötınım qoldau tappaǧan.
«Sport pen turizmdı qoldau qory bölıngen 100 million teŋgemen şekteldı. Bıraq qarjylandyru kölemınıŋ jyl saiynǧy ösımıne nazar audarsaq, 2024 jyly oǧan 63 million teŋge, 2025 jyly 79 million teŋge, al 2026 jyly 100 million teŋge bölındı. Menıŋ oiymşa, bır sportşynyŋ sapaly daiyndalyp, joǧary halyqaralyq deŋgeide öner körsetuı üşın būl qarajat jetkılıktı boluy tiıs», – dedı Serık Jarasbaev.
Sondai-aq vedomstvo II därejelı «Barys» ordenıne qatysty jaǧdaiǧa da tüsınıkteme berdı. Ministrlıktıŋ habarlauynşa, marapattau turaly jarlyqqa Prezident qol qoiǧan, alaida sportşynyŋ tyǧyz jūmys kestesıne bailanysty ordendı tapsyru räsımı älı ötkızılmegen.
«Bibısarany 8 nauryz merekesıne orai Aqordada ötetın qūrmet körsetu şarasyna şaqyru turaly ūsynystar bolǧan. Bız tızımge engızdık, bıraq ol sol kezde Kiprde jarysqa daiyndalyp jatqandyqtan qatysa almady. Qazaqstanǧa oralyp, kestesı rettelgennen keiın marapat öz iesıne tabystalady dep oilaimyn», – dedı Serık Jarasbaev.
Eske salaiyq, būǧan deiın grossmeister Bibısara Asaubaeva prezident Qasym-Jomart Toqaevqa beineündeu joldap, Sport ministrlıgı jalaqysyn üş ese qysqartqanyn aitqan bolatyn. Sondai-aq ol 2025 jyldyŋ jeltoqsanynda memleket basşysy özıne II därejelı «Barys» ordenın tabystau turaly şeşım qabyldaǧanymen, marapatty älı almaǧanyn mälımdegen edı.
