13-jeltoqsanǵa qaraǵan túni Jambyl oblysynda magıstraldy gaz qubyry jarylyp, 5 eldi mekendegi 980 úı jylýsyz qaldy, dep habarlaıdy “Adyrna” ulttyq portaly.
Naqtylar bolsaq, Jambyl oblysyndaǵy Qyzylqaınar, Jasórken, Jalpaqtóbe, Qyzyldıhan, Grodekovo aýyldarynyń turǵyndary gazsyz qaldy.
Oǵan qosa osy eldi mekenderdegi 8 áleýmettik nysan da jylýdan ajyrap qaldy.
Apat Grodekovo aýylynda túngi 22:10 shamasynda bolǵan.
Aldyn ala boljam boıynsha, jarylǵan qubyrǵa qysym áser etýi múmkin.
Qazir mamandar 20 metrden asatyn qubyr bóligin jalǵaýda.
Apatqa baılanysty aımaqta arnaıy shtab quryldy.
«Jóndeý jumystary shamamen 4-5 saǵat júrgiziledi degen oıdamyz. 10 jerden dánekerleý, jalǵaý jumystaryn júrgizý kerek. Áleýmettik nysandardan 4 mektep, 2 balabaqsha, 2 medıınalyq ǵımarat jylýsyz tur. Oǵan baılanysty janar jaǵarmaımen jumys isteıtin arnaıy qurylǵy nasostarmen olardyń jylý júıesin aınaldyryp, qatyp qalmaý úshin áreket jasalyp jatyr», — deıdi Jambyl oblysy ákiminiń orynbasary Qanatbek Mádibekov.
