Qarjylyq monitoring agenttıgı Biz Birgemiz qoǧamdyq qaiyrymdylyq qorynyŋ teŋ qūryltaişysy jäne basşysy Perizat Qairatqa qatysty tergeu barysynda tärkılengen dünie-mülık turaly aqparat taratty, dep habarlaidy “Adyrna” ūlttyq portaly.
“Sottyŋ sanksiiasymen qylmystyq jolmen alynǧan qarajatqa satyp alynǧan Astana qalasyndaǧy "Akbulak Riviera", "Highvill Ishim Gold", "Kök Jailau" (tūraq oryndaryn qosa alǧanda), "Sensata Plaza" TK, sondai-aq "Vela Village" kottedj qalaşyǧyndaǧy elitalyq jyljymaityn mülık, Mercedes-Benz S450, Mercedes-Benz EQE 500, Lexus LX-600, Haval avtomobilderı tärkılendı.
Perizat Qairattyŋ tūrǧylyqty jerın tıntu barysynda qaiyrymdylyqqa jinalǧan qarajatqa satyp alynǧan qymbat tehnika, Cartier, Graff, Rolex, Bulgari, Gucci, Louis Vuitton, Versace, Chopard, Hermes, Dolce & Gabbana, Prada jäne t. b. siiaqty tanymal älemdık brendterdıŋ kiım, aiaq kiım, zergerlık būiymdar, sömkelerı tabylyp, tärkılendı” delıngen habarlamada.
Tärkılengen mülık zattai däleldemeler retınde tanylyp, ıs materialdaryna qosylǧan.
Agenttık Perizat Qairatqa tiesılı qarajattyŋ, jyljymaityn mülıktıŋ jäne basqa da mülıktıŋ ornalasqan jerı turaly aqparatty bılgen adamdardy arnaiy nomerge: +7 (7172) 70-84-78, 70-84-79 (qosymşa nömırı: 21384) habarlasudy sūraidy.
Eske sala keteiık, Perizat Qairat «Kömekke jinalǧan 1,5 mlrd teŋgenı jymqyrǧan» degen küdıkpen ūstalyp, tergelıp jatyr.
16 qaraşa künı Qarjy monitoringı agenttıgı Perizat Qairat Palestinaǧa dep aqşa jinap, taǧy 200 mln teŋge jymqyrǧanyn rastadǧan bolatyn.
Ūqsas jaŋalyqtar
