Tokio demografiialyq daǧdaryspen küresudıŋ jaŋa ädısın synap körıp jatyr. Qazırgı uaqytta halyq tez qartaiuda, al jastar özderınıŋ jūmysbastylyqtary saldarynan bala tuuǧa asyǧar emes. Osyǧan bailanysty Japoniia 4 kündık jūmys aptasyn engızbek, dep habarlaidy "Adyrna" ūlttyq portaly Fortune basylymyna sılteme jasap.
Basylymnyŋ mälımetınşe, Tokio öz qyzmetkerlerıne aptasyna tek tört kün jūmys ısteuge mümkındık beredı. Būl jaŋaşyldyq äielderge tüsetın jüktemenı azaityp, bala tuu deŋgeiın arttyruǧa baǧyttalǧan. Öitkenı el halqynyŋ qartaiuy alaŋdatarlyq jyldamdyqpen ösude.
Reforma aiasynda qyzmetkerler aptasyna tört kün jūmys ısteumen qatar, bala kütımıne arnalǧan jartylai demalys alu mümkındıgıne ie bolady. Būl bastama jūmys künın ekı saǧatqa qysqartuǧa mümkındık beredı.
"Bız äielderdıŋ tuu jäne bala tärbieleu siiaqty ömırlık jaǧdailarǧa bailanysty mansabyn qūrban etpeuı üşın jūmys türlerın ikemdı türde qaita qarastyryp otyrmyz" – dedı Tokio gubernatory Iýriko Koike osy aptada ötken Tokio astanalyq assambleiasynyŋ kezektı sessiiasynda.
Basylymnyŋ mälımetınşe, Japoniiada tuu körsetkışı qatarynan segızınşı jyl qatarynan tömendep keledı. 2024 jyldyŋ bırınşı jartysynda eldegı tuu deŋgeiı rekordtyq tömen deŋgeige jettı. Nebärı 350 myŋ bala düniege kelıp, būl ötken jyldyŋ säikes kezeŋımen salystyrǧanda 5,7 paiyzǧa az. Al astanadaǧy tuu koeffisientı rekordtyq 0,99 balaǧa deiın tömendedı, al halyq sanyn tūraqty saqtau üşın būl körsetkış 2,1 boluy kerek.
Aita keteiık, Japoniia ükımetı tuu körsetkışın arttyru maqsatynda bırneşe onjyldyq boiy türlı şaralar engızıp keledı. Mäselen, balabaqşalarǧa subsidiialar, bala kütımı boiynşa ūzaq demalystar jäne tanysu qosymşasynyŋ ıske qosyldy. Alaida būl şaralardyŋ äserı az boldy. Sebebı qataŋ eŋbek mädenietı men äielderge tüsetın jükteme özgerıssız qaldy.
Zertteulerge säikes, jūmys aptasyn qysqartu üidegı mındetterdı teŋdei bölısuge jäne ömır süru sapasyn jaqsartuǧa yqpal etedı. Alty elde jürgızılgen täjıribe er adamdardyŋ balalarymen köbırek uaqyt ötkızıp, üi şaruasyna belsendı aralasatyndyǧyn körsettı, dep habarlaidy basylym.Äielder erlerge qaraǧanda bes ese köp aqysyz jūmys atqaratyn Japoniia üşın būl maŋyzdy qadam boluy mümkın.
"Tört kündık jūmys aptasy tiımdı boluy mümkın. Bıraq ol barlyq salalar men elderge ämbebap şeşım bola almaidy," – dep tüsındırdı eŋbek täjıribesı boiynşa sarapşy Djuliia Hobsbom.
Ūqsas jaŋalyqtar
