18 jastaǧy qazaqstandyq Diana Mūrzaǧalieva äleumettık saladaǧy airyqşa eŋbegı üşın Diana hanşaiym atyndaǧy bedeldı syilyqqa ie boldy, dep habarlaidy "Adyrna" ūlttyq portaly.
Būl turaly 2024 jyldyŋ 6 jeltoqsanynda Ūlybritaniianyŋ Qazaqstandaǧy elşılıgı habarlady.
Diana Uels hanşaiymynyŋ qūrmetıne arnalǧan būl syilyqty onyŋ atyndaǧy qaiyrymdylyq ūiymy tabystaidy. Syilyqty hanşaiym Diananyŋ ūldary – Uels hanzadasy Uiliam men Sasseks gersogy Garri qoldamaq.
Elşılık mälımetınşe, Diana Mūrzaǧalievaǧa bala kezınen Semei qalasy maŋynda jürgızılgen iadrolyq synaqtardyŋ saldarynan paida bolǧan dizartriia diagnozy qoiylǧan.
«Diana Mūrzaǧalieva söileu qabıletı men densaulyǧynda qiyndyqtarǧa tap bolǧan adamdarǧa qoldau körsetuge öz ömırın arnady. Iаdrolyq synaqtardyŋ saldarynan paida bolǧan dizartriiamen küresıp, mekteptegı kelemejdeuler men köptegen operasiialardy bastan ötkerdı. Balalyq şaǧynda söilei almasa da, öz oiyn jazu arqyly jetkızıp, keiınnen mümkındıgı şekteulı balalardyŋ armandary turaly oqiǧalar jazdy. Būl oqiǧalar onyŋ «Ümıt ärdaiym janymyzda» («Nadejda vsegda s nami») atty animasiialyq filmıne negız boldy», – dep atap öttı elşılık.
Diana Mūrzaǧalieva «İnkliuziv akademiiasyn» jäne jasandy intellektke negızdelgen SpeakUp qosymşasyn qūrdy. Būl qosymşa söileu qabıletı būzylǧan adamdarǧa kömektesedı. Onyŋ jūmysy bılım, tehnologiia jäne storitelling arqyly jahandyq inkliuziiany alǧa jyljytuǧa baǧyttalǧan. Elşılık Dianany «kedergılerdı būzyp, bükıl älemde inkliuziiany damytyp jatqan tūlǧa» dep sipattaidy.
Syilyqtyŋ 25 jyldyǧyna orai prins Uiliam Dianaǧa arnaǧan hatynda:
«Premiianyŋ 25 jyldyq mereitoiynda älemnıŋ tükpır-tükpırınen kelgen jastardyŋ eŋbegınıŋ tanylǧanyn köru keremet. Keide älem belgısız ärı kürdelı körınuı mümkın, bıraq sızder köp küş jūmsap, kedergılerdı jeŋıp, oŋ özgerısterge üles qosyp jatqandaryŋyz anyq. Sızderge syilyq tabystalǧan kezde, menıŋ anam, hanşaiym Diana, sızdermen maqtanar edı. Būl syilyq sızderdıŋ ärı qarai da adamdarǧa kömektesıp, ainalaŋyzdaǧy älemdı jaqsartuǧa küş beruın tıleimın», – dep jazdy.
Diana būl künnıŋ özı üşın öte maŋyzdy ekenın aityp, būl sättı ömır boiy esınde saqtaitynyn jetkızdı.
«Bügın men üşın erekşe kün. Men Sasseks gersogy Uiliamnan alǧys hat alyp, hanşaiym Diana syilyǧynyŋ iegerı atanǧanymdy maqtanyşpen jariialaimyn!» – dep jazdy ol Instagram paraqşasynda.
Diana özınıŋ bala kezındegı armany – erekşe qajettılıkterı bar balalarǧa kömektesu ekenın eske alyp, osy arman ony bügıngı jetıstıkke jetkızgenın aitty.
«Prinstıŋ hatyn oqyǧanda, menıŋ közıme jas keldı. Men bır kezderı kündelıgıme erekşe qajettılıkterı bar balalarǧa kömektesu turaly jazǧan kışkentai qyzdy eske aldym. Ol kezde mūndai uäde menı osyndai keremet tanuǧa jetkızedı dep oilaǧan emespın», – dep bölıstı qazaqstandyq boijetken.
Soŋynda Diana özıne qoldau körsetken ata-anasyna, ūstazdaryna, dostaryna, IýNİSEF üilestıruşılerıne jäne Diana Award ūiymynyŋ ūjymyna alǧys aityp, barşa adamdardy älemdı jaqsartuǧa üles qosuǧa şaqyrdy.
Ūqsas jaŋalyqtar
