«Porus» JShS quryltaıshysy Qýat Ermentaev eks-prezıdent Nursultan Nazarbaevtyń nemere inisi, Bolat Nazarbaevtyń uly Nurbol Nazarbaev pen onyń “jaqyndary” reıderlik jasady dep aıyptaýda, dep habarlaıdy “Adyrna” ulttyq portaly QazTAG agenttigine siltep.
Aqparatqa sáıkes, 2019 jyly jeltoqsanynda ózderin Nurbol Nazarbaevtyń naǵashysymyz dep tanystyrǵan S. A. Zorbaev pen «Syrym» esimdi eki azamat Qýat Ermenbaevpen onyń týystaryn qorqytyp, onyń «Porus» kompanııasyndaǵy úlesin Zorbaevtyń atyna aýdartyp, quqyq qorǵaý organdaryna júginbeý týraly eskertý jasaıdy.
«Men óz ómirim men jaqyn týystarymnyń ómiri úshin qorqyp, seriktestiktegi úlestiń 16%-yn Zorbaevtyń atyna jazýǵa májbúr boldym. Ol Nurbol Nazarbaevtyń qamqorlyǵymen óz isin júzege asyrady», – delingen basylym keltirgen Ermentaevtyń málimdemesinde.
Ermentaevtyń sózinshe, ol aǵasy Rat Ermentaevpen birge 2011 jyly «Porus» JShS-ny qurady. Aǵaıyndylar úlestesip qurǵan seriktestik geologııalyq barlaý qyzmetterin kórsetip, úsh burǵylaý agregaty men tıisti lıenzııalaryn alady. Bıznesti keńeıtý maqsatynda Sársembaeva Gúlmıra Tólebaıqyzy men Shákirbaev Serik Amanjanuly esimdi azamattardan ınvestıııa qabyldaıdy. Tıisinshe, Sársembaev – 33%, Shákirbaev S. A. – 34%; Ermentaev Qýat – 33% kompanııa úlesin alady. Úleskerler mindetterdi bólip, Sársembaeva ınvestıııa tartyp, Shákirbaev jumyspen qamtyp, Ermentaev barlaý jumystaryn júrgizedi. Onyń sózinshe, Shákirbaev Nurbol Nazarbaevtyń múddesin qorǵaıtyn adam bolǵan.
«Osyǵan baılanysty Shákirbaev seriktestiktiń qyzmetine belsendi aralasyp, seriktestiktiń barlyq operaııalyq qyzmetine tikeleı jetekshilik etkenin atap ótken jón», – delingen jazbada.
Basylymnyń jazýynsha, 2016 jylǵa deıin seriktestik dıvıdend tólep keledi. Sol jyldyń sońynda Shákirbaev basqarý qyzmetin Ermentaevtan alyp, óziniń senimdi ókili Alekseı Osherovke tabystaıdy. Degenmen oǵan jáne Sársembaevaǵa dıvıdendti ýaqytynda tóleıtinin aıtyp sendiredi. Osy kezden bastap Ermentaev seriktestik jumysynan tolyq shettetiledi.
«Alaıda Shákirbaev mindettemelerin oryndamaı, 2017 jyldan bastap men olardan dıvıdendterdi tolyq kólemde almadym. Osyǵan baılanysty Shákirbaevpen jáne Osherovpen birneshe ret janjaldastym. Qyzmetimdi qaıtaryp alý týraly talaptarymdy qoqan-loqymen qarsy aldy. Aqyry óz úlesimnen bas tartyp, Nurbol Nazarbaevtyń týysy atalǵan Zorbaevqa jazyp berdim», – dep atap ótken Ermentaev.
Ol qyzmetinen ketken 2017-2022 jyldar aralyǵynda «Porus» kompanııasynyń jalpy tabysy 7 mlrd teńgeni quraǵan, jyldyq tabysy 300 mln teńge dep eseptelgen.
2020 jyly Shákirbaev pen Osherov seriktestiktiń salyq máselelerine baılanysty Ermentaevtyń ruqsatynsyz kompanııany bankrotqa ushyrata bastaǵan. Buǵan qosa, bankrottyq kezinde qymbat jabdyqtardy salyq tólemine jibermes úshin jańadan qurylǵan taǵy bir kompanııaǵa satqan. Ermentaevty osy kompanııanyń úleskeri etýge ýáde bergen.
«Nurbol Nazarbaevtyń múddesine áreket etken Shákirbaev pen Osherov seriktestiktiń bankrottaý úshin shyǵyndar men ózge de is-qımyldardy jasandy túrde asyra silteý jolymen memleketke salyq tóleýden jaltarǵan bolýy múmkin. Sondaı-aq seriktesterge 1 mlrd teńge kóleminde dıvıdent tólemeı, zalal keltirgen», – dedi Ermentaev.
Aqparat boıynsha, ol 2022 jyly 4 sáýirde atalǵan faktiler boıynsha Almaty qalasynyń prokýratýrasyna aryz bergen, alaıda 2022 jylǵy 2 qarashada qylmystyq is toqtatylǵanyn aıtady. Is qylmystyq quqyq buzýshylyq quramyna bolmaýyna baılanysty toqtatylǵan. Degenmen 2023 jyldyń 7 qarashasynda is qaıta qaralyp bastaǵan.
