Jákishev búgin bosaı ma?

208

Búgin Óskemendegi Shyǵys Qazaqstan oblystyq sotynda túrmede otyrǵan "Qazatomónerkásip" kompanııasynyń burynǵy jetekshisi Muhtar Jákishevtiń apellıaııalyq shaǵymyn qaraı bastady. Sotta advokat Nurlan Beısekeev barlyq sýdıaǵa senimsizdik tanytty.

Advokat sýdıadan otyrysqa Muhtar Jákishevtiń qatysýyn qamtamasyz etýdi talap etti. Biraq sýdıa Jákishevti vıdeokonferenııamen qosýǵa "tehnıkalyq múmkindik joǵyn" aıtty. Osydan keıin advokat sotty keıinge qaldyrýdy talap etti. Biraq sýdıa advokat shaǵymyn qanaǵattandyrmady. Beısekeev Shyǵys Qazaqstan oblystyq sotynyń barlyq sýdıasyna senimsizdik tanytty.

24 shilde kúni Semeı qalasynyń №2 soty túrmede otyrǵanyna 10 jyldan asqan 56 jastaǵy Muhtar Jákishevtiń merziminen buryn shartty bostandyqqa shyǵarý týraly ótinishin qanaǵattandyrýdan bas tartqanKeıin ol apellıaııalyq shaǵym bergen.

10 qyrkúıekte Óskemende sot apellıaııalyq shaǵymdy qarap jatqan sátte Almatyda belsendiler bılikten Jákishevti bosatýdy talap etti. Mundaı sharalar elde bir aıdan beri ótip keledi.

Freedom House halyqaralyq quqyq qorǵaý uıymy da málimdeme jasap, Qazaqstan bıliginen Jákishevti dereý bosatýdy suraǵan.

Muhtar Jákishev "Venada (Avstrııa) "Qazatomónerkásip" kompanııasynyń zańsyz ókildigin ashý arqyly paıda tapty, astyrtyn kassa ustady, kúzetshisine qosymsha eńbekaqy tólep kelgen" degen aıyppen 14 jylǵa sottalǵan. Túrmede otyrǵan kezde úshinshi top múgedektigin alǵan Jákishev ózine taǵylǵan aıyptarmen kelispeıdi.

Qazaqstanda birneshe aıdan beri bılikten Muhtar Jákishevti bosatýdy talap etken pıketter men narazylyq sharalary ótip keledi. Qazaqstandaǵy quqyq qorǵaýshylar Jákishevti "saıası tutqyndar" tizimine qosqan.

"Azattyq" radıosy

Pikirler