Şymkent qalasynda Qazaqstan Halyq Keŋesınıŋ öŋırlık müşelerı men qalalyq etnomädeni bırlestıkter ökılderınıŋ qatysuymen kezdesu öttı.
Is-şaraǧa qala äkımınıŋ orynbasary Särsen Qūranbek, Qazaqstan Halyq Keŋesınıŋ müşelerı, etnomädeni bırlestıkterdıŋ jetekşılerı men etnos belsendılerı, sondai-aq «Qoǧamdyq kelısım» mekemesı janyndaǧy qoǧamdyq qūrylymdardyŋ basşylary qatysty.
Kezdesudıŋ negızgı maqsaty – jaŋa qoǧamdyq instituttyŋ qyzmetı men mındetterın talqylau, qoǧamdyq kelısım men jalpyūlttyq bırlıktı nyǧaitu, memleket pen azamattyq qoǧam arasyndaǧy bailanysty damytu jäne öŋır tūrǧyndaryn tolǧandyratyn özektı mäselelerdı ortaǧa salu.
Jiynda söz söilegen qala äkımınıŋ orynbasary Särsen Qūranbek Qazaqstan Halyq Keŋesınıŋ qūryluy men onyŋ qoǧam ömırındegı rölıne toqtaldy.
Sonymen qatar jaŋa Konstitusiianyŋ maŋyzy, Memleket basşysynyŋ Qazaqstan halqyna Joldauynda belgılengen basym baǧyttar, konstitusiialyq reformalardyŋ negızgı mındetterı jäne jalpyūlttyq qūndylyqtardyŋ män-mazmūny jönınde keŋınen baiandady.
Atap aitqanda, täuelsızdık pen otanşyldyq, bırlık pen yntymaq, ädıldık pen jauapkerşılık, zaŋ men tärtıp, eŋbekqorlyq pen käsıbi bılıktılık, jasampazdyq pen jaŋaşyldyq sekıldı qūndylyqtardy qoǧam sanasyna sıŋırudıŋ maŋyzdylyǧy atap ötıldı.
Sondai-aq «Adal azamat», «Taza Qazaqstan» bastamalary men jaŋa qoǧamdyq etikany qalyptastyru mäselelerıne nazar audaryldy.
Kezdesu barysynda Memleket basşysynyŋ Joldauynda aiqyndalǧan ekonomikalyq damu, infraqūrylymdy jaŋǧyrtu, sifrlandyru, jasandy intellekt tehnologiialaryn engızu, şaǧyn jäne orta biznestı qoldau, sondai-aq «Zaŋ men tärtıp» qaǧidatyn jüzege asyru baǧyttary da söz boldy.
Būdan bölek, jaqynda ötken «Qazaq tılı» qoǧamynyŋ H mereitoilyq qūryltaiynyŋ maŋyzy men onda köterılgen mäseleler, memlekettık tıldıŋ qoldanys aiasyn keŋeitu, ūlttyq qūndylyqtardy därıpteu jäne qoǧamdyq sanany jaŋǧyrtu baǧytyndaǧy bastamalar talqylandy.
Öz kezegınde qatysuşylar etnosaralyq tatulyqty saqtau, qoǧamdyq kelısımdı nyǧaitu, jastar bastamalaryn qoldau, mediasiia institutyn damytu, qoǧamdyq dialogty keŋeitu jäne memlekettık organdarmen özara yntymaqtastyqty jetıldıru jönındegı ūsynys-pıkırlerın ortaǧa saldy.
Jiynda etnomädeni bırlestıkterdıŋ qoǧamdaǧy rölıne de erekşe män berıldı. Olardyŋ mädeni mūrany saqtau, ūlttyq dästürlerdı därıpteu, öskeleŋ ūrpaq tärbiesıne üles qosu jäne jalpyūlttyq bırlıktı nyǧaitu baǧytyndaǧy qyzmetın odan ärı jandandyru qajettıgı atap ötıldı.
Aita keteiık, Şymkent qalasynan üş azamat Qazaqstan Halyq Keŋesınıŋ qūramyna endı. Olar – qalalyq türık etnomädeni bırlestıgınıŋ töraǧasy Latipşa Asanov, jurnalist, qalalyq Qoǧamdyq keŋestıŋ müşesı Äbdez İmanqūlov jäne körkem gimnastika şeberı, Qazaqstan ūlttyq gimnastika federasiiasynyŋ prezidentı Äliia Iýsupova.
Kezdesu aşyq pıkır almasu formatynda ötıp, qatysuşylar özderın tolǧandyrǧan mäselelerdı köterıp, aldaǧy jūmys baǧyttary boiynşa ūsynystaryn jetkızdı.
Jiyn qorytyndysynda qoǧamdyq kelısımdı saqtau, etnosaralyq tatulyqty nyǧaitu, azamattyq qoǧam instituttarymen özara ıs-qimyldy damytu jäne ortaq bastamalardy jüzege asyru baǧytyndaǧy jūmysty jüielı türde jalǧastyru qajettıgı atap ötıldı.
