Tımýr Qulybaevtyń kompanııasy memleketke 54 nysandy qaıtardy, dep habarlaıdy “Adyrna” ulttyq portaly Ulysmedıaǵa siltep.
2024 jyly kásipker Tımýr Qulybaevtyń baqylaýyndaǵy kompanııa memleketke 54 nysandy ótkizdi.
Prokýratýra málimetinshe, “Kıpros” JShS jáne “Joint Technologies” JShS arqyly baqylanatyn “TEK-QAZAQSTAN” kompanııasy memleketke birneshe strategııalyq aktıvti qaıtarǵan. Olardyń ishinde otyn qoımalary, ǵımarattar, qurylymdar, negizgi quraldar jáne “Qorǵas” shekara mańy yntymaqtastyq halyqaralyq ortalyǵynyń múlki, bagaj termınaly men jer ýchaskesi bar.
“Memleket menshigine otyn qoımalary, ǵımarattar men qurylymdar, negizgi quraldardan basqa TEK-Qazaqstan kompanııasynyń 54 nysanyn berildi. "Qorǵas" HShYO múlki, bagaj termınaly jáne jer ýchaskesi qaıtaryldy”, - delingen habarlamada.
Eske sala keteıik, buǵan deıin aktıvterdi qaıtarý komıteti Tımýr Qulybaevpen sottasyp jatqanyn habarlaǵan bolatyn.
Qarjy esebine sáıkes, Qulybaevtyń Joint Resources holdıng kompanııasy 2023 jyldyń qorytyndysy boıynsha 39,1 mlrd teńge taza paıda tapqan. Holdıngtiń negizgi qyzmeti aktıvterdi basqarý bolyp tabylady.
