Aqtaýdaǵy Nazarbaev Zııatkerlik mektebiniń oqýshylary Ámına Taıjanova men Sara Saıranova Sankt-Peterbýrgte professor Vladımır Kýrbatov atyndaǵy «Hımııa: naýka ı ıskýsstvo» atty XIV halyqaralyq ǵylymı jobalar baıqaýynda birinshi oryndy ıelendi.
Ǵylymı joba avtorlary Qarakól kólindegi aqqýlardyń qyrylýy máselesin kóterdi. Izdenis barysynda Amına men Sara Qarakól kóliniń ornıtofaýnasy men sýynyń hımııalyq quramy, onyń qonys aýdaratyn qustarǵa, onyń ishinde Qyzyl kitapqa engizilgen túrlerge qolaıly sýly-batpaqty alqap retinde qalyptasýy týraly, sondaı-aq qus tumaýynan 1200-ge jýyq sybyrlaq aqqýdyń ólimi týraly málimetteri bar mamandardan keńes aldy.
NIS oqýshylarynyń jumysyna reenzııa daıyndaǵan ǵalymdar avtorlardyń teorııany praktıkamen sheber ushtastyrǵanyn atap ótti. Jas zertteýshiler sýdyń hımııalyq quramyn anyqtaý úshin taldaýlar júrgizdi, zertteý barysynda zamanaýı quraldardy da, lastaýshy zattardy taldaýdyń dástúrli ádisterin de qoldandy.
Avtorlar kól sýynyń hımııalyq quramynyń aqqýlar arasynda qus tumaýynyń taralýyna áseri týraly gıpoteza boıynsha dálelder bazasyn jasaqtady, eksperıment nátıjelerin taldap, joǵary analıtıkalyq qabiletterin kórsetti, – delingen joba reenzııalarynyń birinde.
Baıqaýǵa oqýshylardy «ECOJER» qazaqstandyq ekologııalyq bastamalar qaýymdastyǵynyń Mańǵystaý óńirindegi keńesiniń múshesi, Aqtaýdaǵy NIS muǵalimi jáne mekteptegi «Ekolıder» klýbynyń jetekshisi Baqytgúl Jaqsylyqova, sondaı-aq «ECOJER» qazaqstandyq ekologııalyq bastamalar qaýymdastyǵynyń Mańǵystaý óńirindegi keńesiniń múshesi, Ortalyq Azııa boıynsha Ramsar aımaqtyq bastamasynyń qoǵammen baılanys jónindegi ókili, Batys Qazaqstan «Tabıǵı orta» ÚEU óńirlik qaýymdastyǵy keńesiniń tóraǵasy Ádilbek Qozybaqov daıyndady.
Sonymen qatar «Hımııa: naýka ı ıskýsstvo» halyqaralyq olımpıadasynda «Pervye shagı v hımıı» nomınaııasynda Aqtaýdaǵy Zııatkerlik mekteptiń oqýshylary Mereı Mýsıralıeva, «Hımııa ı ekologııa» nomınaııasynda Farıza Gınýlla men Aıaýlym Úmbetova jáne Mahmud Mustafauly men Erkebulan Balǵabekov, «Hımııa ı jızn» nomınaııasynda Arýjan Baıangalı men Dınara Medal jáne Ulan Murat úshinshi oryndy ıelendi.
