Tashkentte ótken Túrik dúnıesi poezııa festıvali aıaqtaldy, dep habarlaıdy "Adyrna" ulttyq portaly.
Túrkitildes elderdiń shaıyrlary kezekti ret ózbek eliniń astanasynda bas qosty. Eki jylda bir ótetin jyr merekesi bıyl 16-shy ret uıymdastyrylyp otyr. Festıvaldiń negizgi uıymdastyrýshysy Túrkııa Jazýshylar odaǵy men Ózbekstan Jazýshylar odaǵy jáne Túrkııa Mádenıet mınıstrliginiń TIKA uıymy. Qoldaýshysy TÚRKSOI halyqaralyq uıymy.
TÚRKSOI halyqaralyq uıymy «Túrki poezııasy» festıvalin 1992 jyldan beri uıymdastyryp keledi. Osy ýaqyt aralyǵynda jyr merekesi Almaty, Túrkistan, Bursa, Bishkek pen Baký sekildi baýyrlas elderdiń iri shaharlarynda ótken.
Toqsannan astam aqyn qatysqan alqaly jıynda 4 túrli múshaıra ótkizildi.
Festıval qorytyndysynda 3 bas júlde - “Altyn qalamnyń” biri Mehmed Doǵan atyndaǵy syılyq - sertıfıkaty Ulyqbek Esdáýletke berildi. Sonymen qatar, “Túrkııa Jazýshylar odaǵynyń Qurmetti múshesi” degen kýálik tapsyryldy.
Bul týraly ol óziniń áleýmettik jeli paraqshasynda bólisti.
"Festıvaldi uıymdastyrýshylar meniń eskerýsiz qalyp bara jatqan 70 jas mereıtoıyma baılanysty osyndaı qurmet kórsetti dep túsindim"- dep jazdy Ulyqbek Esdáýlet.
Ulyqbek Esdáýlet - aqyn, jýrnalıst, Qazaqstannyń eńbek sińirgen qaıratkeri, Qazaqstannyń memlekettik syılyǵynyń jáne Qazaqstan Lenın komsomoly syılyǵynyń ıegeri. «Ulystyń uly kúni», «Aq kerýen», «Jaratylys», «Júrektegi jarylystar», «Kıiz kitap» kitaptarynyń, «Ahıllestiń ókshesi» óleńder jınaǵynyń avtory.
2018-2023 jyldar aralyǵynda Qazaqstan jazýshylar Odaǵynyń tóraǵasy qyzmetin atqarǵan.
