Halyqaralyq qylmystyq sotqa müşe memleketter Assambleiasy köpşılık dauyspen ūiymnyŋ bas prokurory Kärım Handy qyzmetınen bosatu turaly şeşım qabyldady, dep habarlaidy "Adyrna" ūlttyq portaly.
Būl turaly BŪŪ habarlaǧan. Mūndai jaǧdai sot tarihynda alǧaş ret oryn aldy.
Prokurordy qyzmetınen bosatu turaly şeşım 125 eldıŋ qatysuymen ötken jabyq dauys beru barysynda qabyldanǧan. Oǧan Kärım Hanǧa qatysty jürgızılgen jynystyq sipattaǧy qysym körsetu aiyby boiynşa tergeu sebep bolǧan. Assambleia töraǧasynyŋ habarlauynşa, müşe memleketterdıŋ 82-sı Kärım Hannyŋ qyzmettık mındetterın öreskel būzǧanyn jäne auyr ıs-äreketterge barǧanyn moiyndap, ony qyzmetten ketırudı qoldaǧan. Täuelsız sarapşylardyŋ esebınde de būrynǧy prokuror tarapynan eleulı zaŋbūzuşylyqtarǧa jol berılgenı rastaldy.
Al eks prokuror özıne taǧylǧan aiyppen kelıspeitının aitqan.
Halyqaralyq qylmystyq sot assambleiasy jaqyn arada jaŋa bas prokurordy sailau prosesın bastaidy.
