Almaty qalasynyŋ «Qaru» jedel-profilaktikalyq ıs-şarasy barysynda poliseiler jergılıktı tūrǧynnan bırneşe jyl būryn ūrlanǧan tegıs ūŋǧyly aŋşy myltyǧynyŋ kesılgen nūsqasyn anyqtady, dep habarlaidy "Adyrna" ūlttyq portaly.
Tekseru azamattyq qarudy saqtau qaǧidalarynyŋ saqtaluyn baqylau aiasynda jürgızılgen. Tırkelgen aŋşy myltyqtarymen qatar, şyǧu tegı belgısız qaru tabylǧan. Tūrǧynnyŋ aituynşa, ol qarudy biyl köktemde Ile özenı maŋynda aŋşylyq kezınde tauyp alǧan. Keiın ony üiıne alyp kelıp, polisiiaǧa habarlamai, seifte saqtap kelgen.
Polisiianyŋ derekter bazasyn tekseru nätijesınde atalǧan qarudyŋ 2018 jyly ūrlanǧany jäne būryn qozǧalǧan qylmystyq ıs boiynşa zattai däleldeme retınde tırkelgenı anyqtaldy. Qaru tärkılenıp, sot-ballistikalyq saraptama taǧaiyndaldy. Qazırgı uaqytta tergeuşıler oqiǧanyŋ barlyq män-jaiyn anyqtap jatyr.
Polisiia ökılderı tabylǧan qarudy öz betınşe saqtauǧa nemese tasymaldauǧa bolmaitynyn eske saldy. Mūndai jaǧdaida azamattar dereu ışkı ıster organdaryna habarlauy tiıs. Öitkenı qarudy zaŋsyz saqtau Qazaqstan Respublikasynyŋ zaŋnamasyna säikes jauapkerşılıkke äkeledı.
