Resei men Siriia äskeri yntymaqtastyqtyŋ bolaşaǧyn aiqyndaityn özara tüsınıstık turaly memorandumǧa qol qoidy. Qūjatqa säikes, Reseidıŋ Hmeimim men Tartus qalalaryndaǧy äskeri nysandarynyŋ märtebesı özgertıledı, dep habarlaidy "Adyrna".
Siriianyŋ Syrtqy ıster ministrlıgınıŋ mälımetınşe, memorandumǧa qol qoiuǧa deiın taraptar bır jarym jyl boiy kelıssöz jürgızgen.
Jaŋa kelısım boiynşa, Reseidıŋ Siriiadaǧy äskeri bazalary bırtındep ekı eldıŋ müddesıne qyzmet etetın äskeri qyzmetşılerdı daiarlau jönındegı bırlesken ortalyqtarǧa ainaldyrylmaq.
Siriia tarapynyŋ mälımdeuınşe, būl qadam Mäskeu men Damask arasyndaǧy qarym-qatynastarda jaŋa kezeŋnıŋ bastaluyna jol aşuy mümkın.
Sonymen qatar, Siriiadaǧy azamattyq nysandardy eldıŋ azamattyq äkımşılıgınıŋ baqylauyna beru közdelıp otyr. Olardyŋ qatarynda Hmeimim äuejaiy da bar.
Memorandum talaptaryna säikes, atalǧan özgerısterdıŋ barlyǧy üş aidan aspaityn merzım ışınde jüzege asyryluy tiıs.
Siriia Syrtqy ıster ministrlıgı qūjat ekı el arasyndaǧy yntymaqtastyqtyŋ jaŋa formatyn qalyptastyryp, äskeri jäne azamattyq nysandardyŋ märtebesın naqtylauǧa mümkındık beredı dep esepteidı.
