Radıkaldyq «Talıban» qozǵalysynyń ókilderi jıhad qundylyqtaryn saqtaý basqarmasyn qurý týraly málimdeme jasady, dep habarlaıdy "Adyrna" ulttyq portaly jergilikti Ariana News basylymyna silteme jasap.
Talıb úkimetiniń aqparat jáne mádenıet mınıstri mindetin atqarýshy Haırýlla Haırhva jýrnalısterge jańa departamenttiń mindeti «jıhad qundylyqtaryn jáne onyń tarıhyn saqtaý» ekenin málimdedi.
Basqarmanyń úsh negizgi baǵyty belgilendi: aýdıovızýaldy kontent óndirisi, jıhad murajaıyn qurý jáne tarıhı oqıǵalardy qujattandyrý. Sarapshylar Ulybrıtanııaǵa, KSRO-ǵa jáne AQSh-qa qarsy aýǵan qarýly qaqtyǵystaryna baılanysty artefaktilerdi jınap, arhıvteıtin bolady.
Mınıstrdiń aıtýynsha, jıhad murajaılary tek Kabýlda ǵana emes, Aýǵanstannyń provınııalarynda da salynady.
Aýǵanstanda basqynshylarǵa qarsy kúres ıslam jıhady — musylmandardyń kápirlerge qarsy soǵysy retinde júrgizilgen. XIX ǵasyrda Ulybrıtanııa ımperııasymen, keıingi zamanda KSRO-men, odan keıin AQSh jáne NATO seriktesterimen bolǵan qaqtyǵystar osylaı sıpattaldy.
AQSh áskerleri 2021 jyly elden shyǵarylǵannan keıin bılikti radıkaldy saıasat júrgizip, adam quqyqtaryn, ásirese áıelderdiń quqyqtaryn buzýmen tanylǵan talıbter basyp aldy. Osyǵan baılanysty álemniń birde-bir eli «Talıban» úkimetin resmı túrde moıyndamady.
Soǵan qaramastan, keıbir elder talıbterdi terrorıstik uıymdar tiziminen shyǵardy, atap aıtqanda Qazaqstan men Qyrǵyzstan. Reseı de osyndaı qadam jasaý týraly birneshe ret málimdedi jáne ony júzege asyrýy múmkin.
Buǵan deıin, Reseı Memlekettik Dýmasy halyqaralyq uıymdardy, sonyń ishinde «Talıbandy» elde tyıym salynǵan uıymdar tiziminen ýaqytsha shyǵarý týraly zań jobasyn qarastyrǵanyn jazǵan edik.
