Radikaldyq «Taliban» qozǧalysynyŋ ökılderı jihad qūndylyqtaryn saqtau basqarmasyn qūru turaly mälımdeme jasady, dep habarlaidy "Adyrna" ūlttyq portaly jergılıktı Ariana News basylymyna sılteme jasap.
Talib ükımetınıŋ aqparat jäne mädeniet ministrı mındetın atqaruşy Hairulla Hairhva jurnalisterge jaŋa departamenttıŋ mındetı «jihad qūndylyqtaryn jäne onyŋ tarihyn saqtau» ekenın mälımdedı.
Basqarmanyŋ üş negızgı baǧyty belgılendı: audiovizualdy kontent öndırısı, jihad mūrajaiyn qūru jäne tarihi oqiǧalardy qūjattandyru. Sarapşylar Ūlybritaniiaǧa, KSRO-ǧa jäne AQŞ-qa qarsy auǧan qaruly qaqtyǧystaryna bailanysty artefaktılerdı jinap, arhivteitın bolady.
Ministrdıŋ aituynşa, jihad mūrajailary tek Kabulda ǧana emes, Auǧanstannyŋ provinsiialarynda da salynady.
Auǧanstanda basqynşylarǧa qarsy küres islam jihady — mūsylmandardyŋ käpırlerge qarsy soǧysy retınde jürgızılgen. XIX ǧasyrda Ūlybritaniia imperiiasymen, keiıngı zamanda KSRO-men, odan keiın AQŞ jäne NATO serıktesterımen bolǧan qaqtyǧystar osylai sipattaldy.
AQŞ äskerlerı 2021 jyly elden şyǧarylǧannan keiın bilıktı radikaldy saiasat jürgızıp, adam qūqyqtaryn, äsırese äielderdıŋ qūqyqtaryn būzumen tanylǧan talibter basyp aldy. Osyǧan bailanysty älemnıŋ bırde-bır elı «Taliban» ükımetın resmi türde moiyndamady.
Soǧan qaramastan, keibır elder talibterdı terroristık ūiymdar tızımınen şyǧardy, atap aitqanda Qazaqstan men Qyrǧyzstan. Resei de osyndai qadam jasau turaly bırneşe ret mälımdedı jäne ony jüzege asyruy mümkın.
Būǧan deiın, Resei Memlekettık Dumasy halyqaralyq ūiymdardy, sonyŋ ışınde «Talibandy» elde tyiym salynǧan ūiymdar tızımınen uaqytşa şyǧaru turaly zaŋ jobasyn qarastyrǧanyn jazǧan edık.
Ūqsas jaŋalyqtar
