Шығыс Қазақстан облысында сарбаз өлі күйінде табылды. Бұл туралы 8 қарашада Қазақстан Республикасы Ұлттық қауіпсіздік комитеті мәлімдеді, деп хабарлайды “Адырна” ұлттық порталы.
«7 қарашада Шығыс Қазақстан облысы бойынша Шекара қызметінің департаментінде мерзімді әскери қызметші қайтыс болды. Полицейлер Қылмыстық кодекстің 105-бабының 1-бөлігі бойынша сотқа дейінгі тергеуді бастады”, делінген хабарламада.
Айта кетейік, 2024 жылдың 13 қазанында Шахтинск қаласында «Орталық» өңірлік қолбасшылығына қарасты 6505 әскери бөлімінің келісімшарт бойынша сарбазының мәйіті табылған еді. Алдын ала мәлімет бойынша, ол отбасындағы жанжал салдарынан өз-өзіне қол жұмсаған.
