Qorǵanys mınıstriniń nusqaýlary men keıbir buıryqtaryna birneshe ózgerister engizilmek, dep habarlaıdy "Adyrna" ulttyq portaly.
Bul aqparat "Ashyq NQA" saıtynda jarııalandy.
Mınıstr buıryǵy jobasynyń tolyq mátinimen 5 jeltoqsanǵa deıin ózgeristerdi saıttan qaraýǵa bolady.
Vedomstvo dereginde áskerı qyzmetti ótkerý máselelerin retteıtin qorǵanys mınıstriniń buıryqtaryna quqyqtyq monıtorıng júrgizý barysynda is júzinde qoldanylmaıtyn normalar anyqtalǵany kórsetilgen.
Dálirek, quqyq qorǵaý jáne arnaıy organdardyń Qarýly Kúshterge aýysatyn qyzmetkerlerin qaıta attestaııalaý úshin áskerı oqý oryndarynda bazalyq kýrstardan ótýdi talap etetin norma týraly sóz bolyp otyr.
"Mundaı jaǵdaılardyń azdyǵyna, aýysý merzimderiniń anyq emestigine jáne belgili bir sala mamandarynyń qajettiligine baılanysty kýrstardan ótpeı-aq qaıta attestaııalaýǵa alý usynylady. Osyǵan baılanysty joba buıryǵynda is júzinde qoldanylmaıtyn norma alyp tastalýǵa jatady", - delingen Qorǵanys mınıstrliginiń habarlamasynda.
