Ózbekstan prezıdenti Shavkat Mırzııoev jańadan saılanǵan Olıı Majlıs otyrysynda eldiń 2025 jylǵa deıingi negizgi ekonomıkalyq maqsattaryn tanystyrdy, dep habarlaıdy "Adyrna " ulttyq portaly.
Prezıdent óz maqsattaryn tanystyrdy. Onda ekonomıkalyq ósimdi 6-7% deńgeıinde qamtamasyz etý, ınflıaııany 5-6%, al bıýdjet tapshylyǵyn 3%-dan aspaıtyn shekte ustaý men 1 mıllıon adamdy kedeılikten shyǵarý. Sondaı-aq, 300-den astam iri ınvestıııalyq jobany júzege asyrý, azyq-túlik qaýipsizdigin arttyryp, aýyl sharýashylyǵy ónimin 1,3 ese kóbeıtý, ekonomıkadaǵy jeke sektordyń úlesin 85%-ǵa deıin ulǵaıtý. Bul úshin memlekettik aktıvterdi keń kólemde jekeshelendirý josparlanǵan.
Atap aıtqanda, memleketke tıesili 2000 kásiporyndy jekeshelendirý men 5000-nan astam jyljymaıtyn múlik nysanyn satý, iri 16 kásiporynnyń akııalaryn IPO arqyly ornalastyrý, memlekettik-jekemenshik seriktestik aıasynda jalpy somasy 30 mlrd dollardy quraıtyn jobalardy júzege asyrý.
Prezıdent maqsattarǵa jetý úshin úkimet pen parlamenttiń tyǵyz yntymaqtastyǵy qajet ekenin atap ótti. Sondaı-aq halyqaralyq seriktestikti damytýǵa, eldiń qorǵanys qabiletin nyǵaıtýǵa jáne jastar tárbıesine erekshe nazar aýdarylatynyn aıtty.
Shavkat Mırzııoev sońǵy bes jylda qol jetkizilgen ekonomıkalyq nátıjelerdi de atap ótti.
Ózbekstan ekonomıkasy eki ese ósip, kólemi 100 mlrd dollardan asqan, jan basyna shaqqandaǵy tabys 3000 dollarǵa jetti. Sońǵy bes jylda eksport kólemi eki ese ósip, 25 mlrd dollarǵa jetken. Altyn-valıýta rezervteri 40 mlrd dollardan assa, sheteldik ınvestıııalar kólemi alty ese kóbeıip, 1,5 mıllıon jumys orny ashylǵan. 10 iri kún jáne jel elektr stanııasy iske qosyldy. Balama energııa úlesi úsh ese artyp, mektepke deıingi bilimmen qamtý kórsetkishi 74%-ǵa, joǵary bilimmen qamtý 39%-ǵa jetti. Barlyq aımaqta «Inson» (Adam) ortalyqtary ashylyp, turǵyndarǵa 100-den astam áleýmettik qyzmet kórsetilýde.
Mırzııoevtiń aıtýynsha, "Ózbekstan-2030" strategııasy aıasynda eldiń JIÓ kólemin 160 mlrd dollarǵa jetkizý kózdelip otyr. Bıylǵy jyly bul kórsetkish 110 mlrd dollar bolady dep boljanýda.
Sondaı-aq, parlament otyrysynda depýtattar Abdýlla Arıpovty qaıtadan Premer-mınıstr laýazymyna bekitti. Al 2025 jyl Ózbekstanda «Qorshaǵan ortany qorǵaý jáne jasyl ekonomıka jyly» dep jarııalandy.
