Özbekstan prezidentı Şavkat Mirziioev Oraza ait qarsaŋynda 488 sottaluşyǧa raqymşylyq jasau turaly jarlyqqa qol qoidy, dep habarlaidy “Adyrna” ūlttyq portaly Ferǧanaǧa sıltep.
Būl turaly eldıŋ Konstitusiiasynyŋ 109-baby 23-tarmaǧyna säikes jariialandy.
Jarlyqqa säikes, 100 adam jazadan tolyq bosatylsa, 268 adam şartty türde merzımınen būryn bostandyqqa şyqty. 34 sottaluşynyŋ jazasy jeŋıl türıne auystyryldy. 86 adamnyŋ bas bostandyǧynan aiyru merzımı qysqartyldy.
Raqymşylyqqa ılıkkenderdıŋ otbasylaryna oraluy, äleumettık beiımdeluı jäne jūmyspen qamtyluy üşın tiıstı memlekettık organdarǧa tapsyrma berıldı.
Aita keteiık, Özbekstanda raqymşylyq turaly jarlyqtar jylyna üş ret – oraza ait, 1 qyrküiek – Täuelsızdık künı jäne 8 jeltoqsan – Konstitusiia künı qarsaŋynda qabyldanady. Byltyr būl şara aiasynda 1431 adamǧa keşırım jasalǧan edı.
Ūqsas jaŋalyqtar
