«Qoǵamdyq densaýlyq saqtaý ulttyq ortalyǵynyń» basqarma tóraǵasynyń orynbasary Saltanat Nazarova adamnyń ómir súrý qaǵıdattary ýaqytqa (saǵat, kún, apta, aı, maýsym nemese jyl) baılanysty ózgerip otyratynyn aıtady.
«Bul ózgerister bıoyrǵaq dep atalady. ırkadty yrǵaqtar – bizdiń densaýlyǵymyzdyń, jumysqa degen qulshynystyń jáne uzaq ómir súrýdiń negizi. Kóptegen sheteldik zertteýler kórsetkendeı, bıoyrǵaqtar organızmdegi gormondardyń, fermentterdiń jáne basqa da belsendi zattardyń deńgeıin basqarady, sonymen qatar qan quramy men jalpy tepe-teńdikti (gomeostaz) saqtaıdy. Uıqy men sergektikti, demalys pen belsendilikti, tamaqtaný men zat almasýdy retteıtin bıoyrǵaqtardyń kelisilgen jumysy adam densaýlyǵy úshin mańyzdy ról atqarady.
Biryńǵaı ýaqyt beldeýi bıologııalyq saǵatty sınhrondaý jáne resmı ýaqyt pen kúndi barynsha jaqyndatý arqyly ómirdiń tabıǵı yrǵaǵyna oralýǵa múmkindik berdi», – deıdi ol.
Saltanat Ábdiqadyrqyzy UTC+6 ýaqyt beldeýine alǵash ret 1930-1931 jyldary ótkenimizdi aıtady.
Jalpy, Qazaqstanda ýaqytty esepteý júıesiniń qalyptasý tarıhy eldiń kóp bóligi 5-shi ýaqyt beldeýinde ornalasqanyna qaramastan, aldyńǵy UTC+6 ýaqyt beldeýi alǵash ret 1930-1931 jyldary dekrettik, ıaǵnı "buıryqtyq" ýaqytty ("ýaqyt beldeýi+bir saǵat") paıdalaný arqyly engizilgenin kórsetedi. Jalpy, keńestik kezeńde Qazaqstanda komandalyq-josparly ekonomıka múddesi úshin tabıǵı ýaqyt beldeýi buıryq tártibimen segiz ret ózgerdi. Nátıjesinde Qazaqstanda tabıǵı ıklge sáıkes kelmeıtin ýaqyt beldeýlerinde turdyq. Osylaısha, UTC+5 bizdiń elimiz úshin jańa beldeý emes, tarıhı negizdelgen ýaqytqa oralý bolyp sanalady.
Búgingi tańda álemniń 195 eliniń 117-si geografııalyq ýaqytty standartty ýaqyt beldeýine barynsha jaqyn etip tańdady, óıtkeni ırkadty yrǵaqtar tabıǵı kúndizgi ıklmen sınhrondalady», – deıdi ol.
