Astana qalasynyń aýdanaralyq azamattyq ister jónindegi soty Óskemen qalasynyń zańgeri Serikjan Ahmetjanovtyń Qazaqstanda biryńǵaı ýaqyt beldeýin engizý máselesi boıynsha úkimetke qarsy bergen talabyn qaraýdy bastady, dep habarlaıdy "Adyrna" ulttyq portaly Ulysmedıaǵa siltep.
Serikjan Ahmetjanov úkimettiń qaýlysyna qarsy shaǵym túsirip, Shyǵys Qazaqstan oblysynyń birde-bir ókiliniń bul másele boıynsha jumys tobyna kirmegenin málimdedi. Onyń aıtýynsha, ýaqyt beldeýiniń ózgerisi tikeleı áser etken aımaqtardyń pikiri múlde eskerilmegen.
«Ýaqyt beldeýiniń aýysýy kóptegen ınfraqurylymdyq máselelerdi týdyrady. Mysaly, qysta saǵat 15:00-den keıin qarańǵy túsedi, biraq bul ýaqytta ómir súrý belsendiligi jalǵasady. Tıisti ınfraqurylym, onyń ishinde kóshe jaryǵy men áleýmettik nysandardyń jaryqtandyrylýy daıyn bolýy kerek edi. Bul sheshimdi jergilikti ókildermen talqylaý qajet bolǵan», – dedi Ahmetjanov.
Sotta zańger Densaýlyq saqtaý mınıstrliginiń zertteýlerine súıenip, adamnyń tabıǵı bıologııalyq ýaqytyna sáıkes kelmeıtin ýaqyt beldeýinde ómir súrý densaýlyqqa keri áser etetinin atap ótti. Ol mundaı sheshimderdiń Konstıtýııanyń 14-babyn buzatynyn aıtty, onda azamattardy kemsitpeý qaǵıdasy bekitilgen.
«Shyǵys Qazaqstan oblysynyń 724 myń turǵyny sáıkes ýaqyt beldeýinde ómir súrý quqyǵynan aıyrylǵan. Bul tikeleı kemsitýshilik», – dep málimdedi Ahmetjanov.
Sonymen qatar, zańger qaýlyny qabyldaý kezinde sarapshylar men óńirlerdiń ókilderimen aldyn ala talqylaý júrgizilmegenin, bul Konstıtýııanyń 3-babyndaǵy bıliktiń negizgi kózi halyq degen qaǵıdany buzatynyn atap ótti.
2024 jyldyń 1 naýryzynan bastap Qazaqstanda biryńǵaı ýaqyt beldeýi engizildi. Biraq bul sheshim qoǵamda qarsylyq týdyrdy. 3 aıdan keıin ýaqytty burynǵy kúıine qaıtarýdy talap etken petıııaǵa 50 myńnan astam adam qol qoıdy. Degenmen, bul talap qabyldanǵan joq.
Serikjan Ahmetjanov qaýlyny zańsyz dep tanyp, ýaqyt beldeýi máselesin halyqpen birge talqylaýdy talap etýde.
