Qytai köp paidalanuǧa bolatyn avtonomdy orbitalyq ǧaryş kemesın jasap jatyr

Qytai «Haolun» atty köp ret paidalanuǧa bolatyn ǧaryştyq şattldyŋ äzırlenıp jatqanyn mälımdedı. Būl apparat «Tiangun» ǧaryş stansiiasyna jükterdı jetkızu jäne olardy Jerge qaita alyp kelu üşın qoldanylady, dep habarlaidy "Adyrna" ūlttyq portaly Haitek plius saityna sılteme jasap. Jaŋa şattldy memlekettık AVIC korporasiiasynyŋ basşylyǧymen Chendu aeroqūrylǧylardy jobalau jäne zertteu instituty jasap jatyr. Alǧaşqy ūşuǧa daiyn bolu merzımı älı naqtylanbaǧan. Alaida Qytaida bırneşe jyldan berı orbitada ūzaq merzımdı ūşular jasaityn osyǧan ūqsas äskeri apparat bar. «Haolun» qazırgı «Tianchjou» bır rettık jük kemelerıne qaraǧanda ekonomikalyq tūrǧyda tiımdırek jäne köp qyzmet atqaratyn bolady. «Tianchjou» stansiiany jabdyqtau üşın paidalanylady, bıraq atmosferaǧa kırgende janyp ketedı. Jaŋa şattldyŋ basty artyqşylyǧy – Jerge jükter men ǧylymi eksperimentterdıŋ nätijelerın qaitara alady. Ol zymyran arqyly ūşyrylyp, ūşu-qonu jolaǧyna ūşaq sekıldı qonady. Şattldyŋ ūzyndyǧy – 10 metr, qanattarynyŋ ūzyndyǧy – 8 metr, al salmaǧy «Tianchjou» jük modulınıŋ salmaǧynan ekı ese jeŋıl, şamamen 14 tonna. Qazırgı uaqytta joba injenerlık tekseru kezeŋınde tūr. Öndırıs bastalǧanǧa deiın barlyq jüielerı men qūrylymy zerttelude. Bas konstruktor Fan Iýanpennıŋ aituynşa, «Haolun» ǧaryş apparaty men ūşaqtyŋ elementterın bırıktıredı. Qytai «Tiangun» stansiiasyn kem degende 10 jyl paidalanyp, ony 3 modulden 6 modulge deiın keŋeitudı josparlap otyr. «Haolun» stansiiany azyq-tülıkpen, ǧylymi jabdyqtarmen jäne basqa da qajettı resurstarmen qamtamasyz etu üşın maŋyzdy qūral bolmaq. Halyqaralyq deŋgeide basqa kompaniialar da osyǧan ūqsas jobalardy äzırleude. Mysaly, amerikalyq Sierra Space kompaniiasy tömengı Jer orbitasyna jükter men ekipajdardy jetkızuge arnalǧan Dream Chaser şattlyn jasap jatyr.