Qytaı «Haolýn» atty kóp ret paıdalanýǵa bolatyn ǵaryshtyq shattldyń ázirlenip jatqanyn málimdedi. Bul apparat «Tıangýn» ǵarysh stanııasyna júkterdi jetkizý jáne olardy Jerge qaıta alyp kelý úshin qoldanylady, dep habarlaıdy "Adyrna" ulttyq portaly Haıtek plıýs saıtyna silteme jasap.
Jańa shattldy memlekettik AVIC korporaııasynyń basshylyǵymen Chendý aeroqurylǵylardy jobalaý jáne zertteý ınstıtýty jasap jatyr. Alǵashqy ushýǵa daıyn bolý merzimi áli naqtylanbaǵan. Alaıda Qytaıda birneshe jyldan beri orbıtada uzaq merzimdi ushýlar jasaıtyn osyǵan uqsas áskerı apparat bar.
«Haolýn» qazirgi «Tıanchjoý» bir rettik júk kemelerine qaraǵanda ekonomıkalyq turǵyda tıimdirek jáne kóp qyzmet atqaratyn bolady. «Tıanchjoý» stanııany jabdyqtaý úshin paıdalanylady, biraq atmosferaǵa kirgende janyp ketedi. Jańa shattldyń basty artyqshylyǵy – Jerge júkter men ǵylymı eksperımentterdiń nátıjelerin qaıtara alady. Ol zymyran arqyly ushyrylyp, ushý-qoný jolaǵyna ushaq sekildi qonady.
Shattldyń uzyndyǵy – 10 metr, qanattarynyń uzyndyǵy – 8 metr, al salmaǵy «Tıanchjoý» júk modýliniń salmaǵynan eki ese jeńil, shamamen 14 tonna. Qazirgi ýaqytta joba ınjenerlik tekserý kezeńinde tur. Óndiris bastalǵanǵa deıin barlyq júıeleri men qurylymy zerttelýde.
Bas konstrýktor Fan Iýanpenniń aıtýynsha, «Haolýn» ǵarysh apparaty men ushaqtyń elementterin biriktiredi.
Qytaı «Tıangýn» stanııasyn kem degende 10 jyl paıdalanyp, ony 3 modýlden 6 modýlge deıin keńeıtýdi josparlap otyr. «Haolýn» stanııany azyq-túlikpen, ǵylymı jabdyqtarmen jáne basqa da qajetti resýrstarmen qamtamasyz etý úshin mańyzdy qural bolmaq.
Halyqaralyq deńgeıde basqa kompanııalar da osyǵan uqsas jobalardy ázirleýde. Mysaly, amerıkalyq Sierra Space kompanııasy tómengi Jer orbıtasyna júkter men ekıpajdardy jetkizýge arnalǵan Dream Chaser shattlyn jasap jatyr.
