Ötkende Shyńǵys Muqan aǧa, “Coffee Book”- tı jauyp jatyrmyn. Özın-özı aqtamai, saqtap qaluǧa mümkındık bolmady degen kezde qatty ökıngen edım. Ädemı joba, ūltty intellektualdy damytuǧa jeteleitın joba ömır sürgenı dūrys edı dep ökındım.
Bügın universitet qabyrǧasynan aşylǧanyn körıp, quanyp qaldym.
İä, biznestıŋ şarty da, oiyny da ädıletsız oiyn. Oǧan emosiia da, patriottyq ta, ūltşyldyq ta, adamgerşılık te qas. Öz erejesımen oinamasaŋ, öz erejesıne baǧynbasaŋ qūrdymǧa jıbere salady. Onyŋ arty tyǧyryq.
Biznes jetekşılerı biznes jasauda bırınşı maqsatyŋ ekonomikaŋdy retteu bolmasa, ekonomikaŋdy dūrys basqarmasaŋ, tiımdılıgın arttyrmasaŋ ūzaqqa barmaisyŋ deidı.
İä, ūlttyq mektepter jelısın qalyptastyram dep, QAZBILIM-dı biznestık joba emes, äleumettık joba dep barymdy salyp, 10 jylǧa juyq jylyna üzdıksız 365 kün 24/7 barymdy saldym. Äsıreleu sekıldı körıner. Bıraq, soŋǧy üş jyl tıptı özımdı özım qatty ūryp jıberdım.
Bıraq, soŋǧy 1,5 jyl öte auyr küide jürmın. Ömırımde öte ülken qūrbandyqtar da berdım. Densaulyqta oilanta bastady. Keide qolyŋdy bır sıltegıŋ keledı. Joq, maqsatqa jetpei tynbau kerek dep qaitadan arpalysasyŋ. Jıgerıŋ mūqalady.
Nege?
Sebebı, arenda üşın, komunaldyq tölemder men memleketke töleitın salyq üşın jūmys ısteisıŋ. Qalanyŋ mektepke sai ǧimaratynyŋ arendasy jyl 12 aida bükıl kırısıŋdı qaǧady. Tentıretıp jıberedı.
Oqu aqysyn säl köterseŋ ata-ananyŋ qoly jetpeidı. Oqyǧysy kelgen bılımdı bala tölei almaidy.
Al, kötermeseŋ arenda esıgıŋdı, memlekettık salyqtar şotyŋdy jabady. Sosyn otyrasyŋ şaqşadai basyŋ şaradai bop. Tym auyr.
Bırde biznesmen Marǧūlan Seisembai patriottyq - biznestıŋ jauy, biznes patriotizmnıŋ dosy dep edı. Yp-ras. Osy künı däl sony özım qatty sezınıp jürmın.
Ötkende sol Şyŋǧys aǧa, COFFEE BOOK-tı japtym degende de osy oi keldı. Özımdegı qiyndyqtar turaly oilap, Şäkeŋdı tüsındım.
Özım de bır kün osy küige tüspesem eken dep odan saiyn qoryqtym.
QAZBILIM - Ūlttyq mektepter jelısı ūlttyŋ bolaşaǧy, eldıŋ bolaşaǧy üşın jasalyp jatqan jankeştı jobam. Būndai düniege demeuşı de, investor da tabu tym qiyn. Sebebı, biznes közımen qaraǧan jūrttyŋ şartyna köne almaisyŋ.
Niet dūrys qoi dep, arpalysyp kelemız. Qūdai bır retın tabar dep, alysamyz. Sol sätte bıreuler tüsınbei jaǧaŋa, bıreuler köre almai balaǧyŋa jarmasqanda: Oo, ataŋa nälet dep aiǧai salǧyŋ keledı. Aiǧai salǧyŋ keledı.
Aiatjan Ahmetjanūly
Ūqsas jaŋalyqtar
