Qūryltaidan keiın Toqaev auyzaşar berıp, Qazaqstanda destruktivtı aǧymdardyŋ baryna alaŋdaitynyn aitty, dep habarlaidy "Adyrna" tılşısı.
Syrym İtqūlov Telegram jelısındegı arnasynda dın mäselesınıŋ bügınde örşıp tūrǧanyn jazdy."Ashat Niiazovtyŋ juyrda Saryaǧaş turaly jariialaǧan aqparaty osy taqyrypqa qatysty. Ol jergılıktı qariia "jastarymyzdyŋ barlyǧy meşıtterde būzylyp jatyr" degenın aitqan edı. Onyŋ sözınşe, qaladaǧy balalardyŋ 50 paiyzǧa juyǧyn moldalar dınge tartyp alǧan. Onyŋ üstıne, olardyŋ arasynda bılım aludan bas tartyp jürgen 5-6 jastaǧy mektep jasyna deiıngı balalar da bar. Ol balalardyŋ ǧalym, mūǧalım boluy mümkın ekenın, bıraq jergılıktı imamdar olardy basqa baǧytqa būryp jatqanyn aitady. Al tūrǧyndar imamdarǧa syn aityp, pıkırlerın bıldırse de elemegen", - delıngen habarlamada."Obojaiu" telegram arnasynda jariialanǧan sūhbattan üzındıde Saryaǧaştyq qariia Prezidentke eldegı barlyq destruktivtı ürdısterdı şekteu kerektıgın, jalpy balalarǧa saqal qoiuǧa tyiym salu kerektıgın, tiıstı ūzyndyqtaǧy şalbar kiiudı mındetteudı sūrady.
Künı-keşe Atyrauda ötken 3-şı qūryltaida Prezident dästürımızge jat dıni nanym-senım men mädenietke qatysty bırşama mäselege toqtap, nasihattauşylardyŋ jetegıne ermeu keregın aitty.
"Tarazy basynda öskeleŋ ūrpaqtyŋ ruhani jaǧynan sau-salamatty bolu mäselesı tūr.
Bız halqymyzdyŋ ruhani negızın qūrmettei otyryp, memleketımızdıŋ zaiyrly el retındegı märtebesın küşeite tüsuımız kerek. Qazaqstan özınıŋ memlekettılıgıne jäne qoǧamdyq moralyna qaişy kelmeitın dıni nanym-senımderdıŋ, türlı tanymdar men ılımderdıŋ bärıne tüsınıstıkpen qaraidy. Bıraq bız batystyŋ, ia bolmasa basqa da közqaras ielerınıŋ yqpalymen töl mädenietımızge jat ärı älemnıŋ dualistık negızıne kereǧar qūndylyqtardy nasihattauşylardyŋ jetegıne erıp kete almaimyz, ketpeimız de!", - dedı Prezident.
"Aşyq aitsaq, dın mäselesı – ūlttyq qauıpsızdık mäselesı. Jastardyŋ sanasyn şetelden kelgen türlı aǧymdarmen ulauǧa bolmaidy", - dedı Prezident.Memleket basşysy örşıp tūrǧan dın mäselesın şeşu jolynda Qazaqstan mūsylmandary dıni basqarmasy ülken röl atqaratynyn atap, jastarǧa dūrys baǧyt-baǧdar berudı "asa maŋyzdy mındet" dep tanydy.
