«Qazaq animasiia» şyǧarmaşylyq bırlestıgınıŋ ainalasyndaǧy dau Mäjılıste de qozǧaldy, dep habarlaidy "Adyrna" ūlttyq portaly.
Kreativtı industriiany damytuǧa arnalǧan zaŋ jobasyn talqylaǧan deputattar toby «atalmyş şyǧarmaşylyq ūjymdy «Qazaqfilmnen» bölek şyǧaru mäselesın talqyǧa saldy.
Prodiuser Almas Jali «Qazaq animasiiasy» bırlestıgın täuelsız ūiym etudı ūsyndy. Mädeniet jäne aqparat ministrlıgınıŋ atynan kelgen mamandar būl ūsynysqa naqty jauap bermedı. Mäjılıstıŋ Äleumettık-mädeni damu komitetınıŋ töraǧasy Ashat Aimaǧambetov vedomstvo ökılderınıŋ būl talqylauǧa naqty ūstanymsyz kelgenınen ökınış bıldırdı. Kreativtı industriiany damytudy közdeitın zaŋ jobasyn äzırleuşı jūmys tobynyŋ jetekşısı Nartai Särsenǧaliev "Qazaqfilm" mäselesenı qatysty pıkır bıldırdı.
Sondai-aq Nartai Aralbaiūly «Qazaq animasiiasy» bırlestıgı Qazaqfilmnıŋ» qūramynda bolǧan jyldary aitarlyqtai nätije körsetpegenın aitady.«Animasiia ökılderı «Qazaq animasiia» şyǧarmaşylyq bırlestıgın «Qazaqfilmnen» bölek şyǧaryŋyzdar dep otyr. Şynyn aitsaq, bız animasiiamyzdyŋ deŋgeiı kenje qalǧanyn bılemız. Sala mamanynyŋ özı tıptı «Bolaşaqpen» oqyp kelgen mamandardy qosymşa oqytu kerek degendı aitty. Sonda bızde laiyqty mamandardy şetelge jıberu üşın ırıkteude problema bar degen söz», - deidı deputat.
Aita keteiık, 16 şıldede 90 jyldyq tarihy bar, qazaq kinosynyŋ qara şaŋyraǧy bolǧan "Qazaqfilmde" ai saiynǧy jalaqylaryn bır jyl boiy ala almai kelgen animasiialyq film mamandary narazylyqqa şyqqan bolatyn.«Osy uaqyttyŋ ışınde nätije bermegenın körıp otyrmyz. Demek ony bölek şyǧaru kerek. Men būl ūsynysty dūrys dep esepteimın. Sonda olar memlekettıŋ moinyna salmaq sala bermei, özderı de qarajat tabuǧa ärekettener edı. Mamandar aitty, Resei men Ukrainadan qanşama animatorlar kelıp jatyr?! 3D animasiia jasaityn mamandar sonyŋ köbı. Olar bızdıŋ biudjettıŋ auqymdy bölıgın äketıp jatyr. Sondyqtan bız bäsekege qabılettı mamandardy daiyndauymyz kerek. Ministrlık arnaiy qor qūryp, sonyŋ ışıne kırgızsek degendı aitty. Bız ondai qordy qoldamaimyz. Öitkenı Almas Jali degen kreatordyŋ özı aityp otyrǧany dūrys. Astana hub siiaqty daiyn platforma tūrǧanda nege jaŋa qor qūryp, «Operator ROP» siiaqty tiımsız mekeme aşqannyŋ ne qajetı bar? Qazaq animasiiasyn qor arqyly damytamyz deu qaşpaǧan siyrdyŋ uyzynan dämetkenmen bırdei. Ömırbaqi bır kompaniianyŋ qūramynda boldy, nätije bolmady. Mümkın jeke jıberıp körermız? Zaŋ jobasyn keşe ǧana aldyq. Sol kezde osy ūsynysty engızemız», - deidı Nartai Särsenǧaliev.
Ūqsas jaŋalyqtar
