Şäken Aimanov atyndaǧy «Qazaqfilm» kinostudiiasyna tiesılı ǧimarattyŋ satylymy turaly aqparat rastalmady, dep habarlaidy "Adyrna" ūlttyq portaly Nege.kz-ke sılteme jasap.
Bügın äl-Farabi daŋǧylynda ornalasqan bas ǧimarat aldyna ardagerler men kino maitalmandary jinalyp, Prezidentten qordalanǧan mäselelerdı şeşıp beruın sūraǧan.
Alaida bırneşe saǧattan soŋ "Qazaqfilm" basşylyǧy jelıdegı paraqşasynda Almaty qalasyndaǧy Rysqūlov daŋǧyly, 101B mekenjaiynda ornalasqan jer telımı men būrynǧy «Qazkinoprokat» ǧimaratynyŋ satylǧany turaly qauesetterdı joqqa şyǧaryp, jazba jariialady.
Kinostudiianyŋ mälımetınşe, körsetılgen aumaqtaǧy ǧimarat "apatty" dep tanylǧan. Qauıpsızdıktı qamtamasyz etu maqsatynda «Qazaqfilm» Almaty qalasy äkımdıgı ökılderınıŋ qatysuymen keşendı saraptama ūiymdastyrǧan.
«Mamandardyŋ qorytyndysy negızınde būl ǧimaratty qauıpsız paidalanu boiynşa odan ärı şeşımder qabyldanady. Jer telımı men ǧimarat keşenı satyldy degen aqparat jalǧan. Būl jalǧan aqparatty taratudy jalǧasa berse, sotqa jügınu qūqyǧymyzdy saqtaimyz» delıngen kinostudiia jasaǧan mälımdemede.Sonymen qatar, «Qazaqfilm»ötkızu rejimınıŋ qataŋdauy turaly aqparatty joqqa şyǧardy. Aita keteiık, bügın ǧana kinostudiianyŋ aldynda bır top kino ökılderı jinalyp, "Qazaqfilmge" tiesılı ǧimarattyŋ jaǧdaiyn aitqan edı.
Ūqsas jaŋalyqtar
