Sháken Aımanov atyndaǵy «Qazaqfılm» kınostýdııasyna tıesili ǵımarattyń satylymy týraly aqparat rastalmady, dep habarlaıdy "Adyrna" ulttyq portaly Nege.kz-ke silteme jasap.
Búgin ál-Farabı dańǵylynda ornalasqan bas ǵımarat aldyna ardagerler men kıno maıtalmandary jınalyp, Prezıdentten qordalanǵan máselelerdi sheship berýin suraǵan.
Alaıda birneshe saǵattan soń "Qazaqfılm" basshylyǵy jelidegi paraqshasynda Almaty qalasyndaǵy Rysqulov dańǵyly, 101B mekenjaıynda ornalasqan jer telimi men burynǵy «Qazkınoprokat» ǵımaratynyń satylǵany týraly qaýesetterdi joqqa shyǵaryp, jazba jarııalady.
Kınostýdııanyń málimetinshe, kórsetilgen aýmaqtaǵy ǵımarat "apatty" dep tanylǵan. Qaýipsizdikti qamtamasyz etý maqsatynda «Qazaqfılm» Almaty qalasy ákimdigi ókilderiniń qatysýymen keshendi saraptama uıymdastyrǵan.
«Mamandardyń qorytyndysy negizinde bul ǵımaratty qaýipsiz paıdalaný boıynsha odan ári sheshimder qabyldanady. Jer telimi men ǵımarat kesheni satyldy degen aqparat jalǵan. Bul jalǵan aqparatty taratýdy jalǵasa berse, sotqa júginý quqyǵymyzdy saqtaımyz» delingen kınostýdııa jasaǵan málimdemede.
Sonymen qatar, «Qazaqfılm»ótkizý rejıminiń qatańdaýy týraly aqparatty joqqa shyǵardy.
Aıta keteıik, búgin ǵana kınostýdııanyń aldynda bir top kıno ókilderi jınalyp, "Qazaqfılmge" tıesili ǵımarattyń jaǵdaıyn aıtqan edi.
