Bas prokuratura İnterpol qyzmetkerlerı jäne Qazaqstannyŋ Türkiiadaǧy elşılıgınıŋ qoldauymen Antalia qalasynan Qazaqstan azamatyn qylmystyq jauaptylyqqa tartu üşın ekstradisiialady, dep habarlaidy «Adyrna» tılşısı.
Er adam bırneşe ret asa ırı mölşerde alaiaqtyq jasaǧan degen küdıkke ılıngen. Tergeu derekterıne säikes, ol 2019–2020 jyldary aldau jolymen Şymkent qalasynyŋ 4 jäbırlenuşı-tūrǧynynyŋ aqşalai qarajaty men jer uchaskelerın iemdenıp, olarǧa jiyntyǧynda şamamen 95 mln teŋge kölemınde zalal keltırgen.
Jäbırlenuşılerdıŋ aqşalai qarajatyn iemdengennen keiın, zaŋmen belgılengen jauaptylyqtan jaltaru maqsatynda küdıktı boi tasalaǧan. Osyǧan bailanysty halyqaralyq ızdeuge jariialanǧan.
Keiınnen ol Türkiia aumaǧynda ūstalyp, Bas prokuraturanyŋ sūrau saluy negızınde Otanyna ekstradisiialanǧan. Qazırgı uaqytta ol tergeu izoliatoryna qamaldy.
Aiyp taǧylǧan qylmystar üşın qylmystyq zaŋnamada mülkı tärkılenıp, 7 jyldan 12 jylǧa deiın bas bostandyǧynan aiyru jazasy közdelgen.
