Týrızm jáne sport mınıstri Erbol Myrzabosynov Májilis otyrysynan keıin jýrnalısterdiń suraqtaryna jaýap berdi, dep habarlaıdy «Adyrna» ulttyq portaly.
Jýrnalısterdiń biri mınıstrge «Siz ózińizdi mınıstr qyzmetine laıyqtymyn dep sanaısyz ba? Parıj olımpıadasy kezinde sport komıtetin basqardyńyz, ulttyq quramanyń jarqyn jeńiske jete almaýyna ózińizdi de jaýaptymyn dep eseptemeısiz be?» dep suraq qoıdy.
Erbol Qýantaıuly kelesi jyly sport salasynda jumys atqarǵanyna 20 jyl bolatynyn eskertti.
«Ózimniń sporttaǵy tájirıbemdi qossam, onda 30 jylǵa jýyq bolady. Búgingi kúni osy jumysqa qarap, keleshek jumysymyzdyń baǵasyn halyq beredi. Oǵan laıyqpyn ba, emespin be, endi memleket basshysy senim artqannan keıin men jumys istep jatyrmyn.
Al Olımpıadanyń nátıjesine baılanysty, ózderińiz biletindeı, Parıj olımpıadasyna deıin Azııa oıyndary ótti, ol jerde sportshylarymyz 11-oryn aldy. Bul árıne óte tómen nátıje. Parıj olımpıadasyna Tokıo olımpıadasyna qatysqan sportshylarymyzdyń 80 paıyzy keldi. Jeńil alletıkada 200 metrdi 21 sýkýndta keledi. 10 aıda álemdik rekordta kelý ońaı emes sportta, biraq soǵan qaramastan sol Azııa oıyndarynan keıin 10 aıdyń ishinde ǵylymı toptar qalyptastyrylyp, ár sport túrinen jeke jospar quryp, sportshylarymyzdy olımpıadaǵa tyńǵylyqty ákelýge tyrystyq. Nátıjeni jaman dep aıta almaımyn. Nátıje qaı kezde jaqsy bolady, nátıje keıingi ındıkatorda, aldyǵy ındıkatorda alǵa bassaq jaqsy bolady. Biz 83 orynnan, 43 orynǵa kóterilgenimiz bul ındıkatorlardyń oryndalýy dep esepteımin», – dedi ol.
