Abai oblysynda şūǧyl şaqyrtuǧa bara jatqan ekı ört söndıruşı jol apatynan köz jūmdy. Qaiǧyly oqiǧaǧa qatysty qyzmettık tekseru bastaldy, jaqyndary basşylyqtyŋ äreketıne qūqyqtyq baǧa berudı sūrap otyr, dep habarlaidy "Adyrna" tılşısı.
İnformbiuro taratqan aqparat boiynşa, oqiǧa Semei–Kurchatov tasjolynda bolǧan. Aldyn ala mälımet boiynşa, ört söndıru bölımınıŋ qyzmetkerlerı otyrǧan Chevrolet kölıgı qarsy baǧytqa şyǧyp ketıp, Kia kölıgımen soqtyǧysqan. Apat saldarynan 36 jastaǧy Ermek Sydyqov pen 33 jastaǧy Arnūr Ädıkenov oqiǧa ornynda qaza tapty.
Marqūmdardyŋ tuystary ört söndıruşılerdıŋ şūǧyl kömekke asyqqanyn aitady. Olardyŋ sözınşe, Semei men Kurchatov arasyndaǧy şamamen 130 şaqyrym joldy bır saǧat ışınde jürıp ötu tapsyrylǧan. Osyǧan bailanysty jaqyndary basşylyqtyŋ äreketıne qūqyqtyq baǧa berudı sūrap otyr.
Ermek Sydyqovtyŋ artynda jūbaiy men kämeletke tolmaǧan ekı balasy qaldy. Arnūr Ädıkenovtıŋ de äielı men bır balasy bar. Jol apatynan Kia kölıgınde bolǧan erlı-zaiypty da qaza tapty. Olardyŋ artynda alty bala qalǧan.
Abai oblysy tötenşe jaǧdailar departamentı qaza bolǧan qyzmetkerlerdıŋ otbasylaryna qajettı kömek körsetılıp jatqanyn habarlady. Qazır oqiǧa boiynşa qyzmettık tergep-tekseru bastalǧan. Onyŋ qorytyndysy boiynşa lauazymdy tūlǧalardyŋ äreketıne baǧa berılmek.
Sonymen qatar jol-kölık oqiǧasyna qatysty polisiia qylmystyq ıs qozǧap, tergeu jürgızıp jatyr.
