7 qarashada AQSh-tyń jańa saılanǵan prezıdenti Donald Tramp Reseı basshysy Vladımır Pýtınmen telefon arqyly sóılesti. Bul týraly The Washington Post (WP) basylymy jazdy, dep habarlaıdy «Adyrna» tilshisi.
Sheteldik BAQ-tyń málimetinshe, eki el prezıdenti Ýkraınadaǵy soǵysty talqylaǵan.
«Tramp Pýtındi Ýkraınadaǵy shıelenisten aýlaq bolýǵa shaqyrdy. Sondaı-aq olar Eýropa qurlyǵynda beıbitshilikke qol jetkizý qajettiligin talqylady»,—delingen habarlamada.
WP qońyraýdyń beıresmı bolǵanyn atap ótti. Odan bólek, basylym Kıevtiń Tramp pen Pýtınniń sóıleskeninen habardar bolǵanyn jazdy. Alaıda bul aqparatty Ýkraına syrtqy ister mınıstrligi joqqa shyǵardy.
«Ýkraına tarapyna qońyraý týraly aldyn-ala habarlanǵan joq. Ýkraına qońyraýdy maquldaı almady nemese qarsy bola almady», – dedi mınıstrliktiń resmı ókili Georgıı Tıhıı.
