Qorǵanys mınıstrligi ushaq apatynan qaza tapqan áskerı qyzmetkerdiń aty-jónin jarııalady, dep habarlaıdy "Adyrna" ulttyq portaly.
"Aqtóbe oblysyndaǵy oqý-jattyǵý ushýy kezinde bolǵan avıaııalyq apat saldarynan 1988 jyly týǵan Áýe qorǵanysy kúshteri áskerı ınstıtýty avıaııalyq eskadrılıasynyń ofıer-nusqaýshysy maıor Batyr Qaıratuly Orazymbetov qaıǵyly jaǵdaıda qaza tapty", — delingen habarlamada.
Ofıer Áýe qorǵanysy kúshteri áskerı ınstıtýtyn 2009 jyly «ushaqtar, tikushaqtar jáne avıaııalyq qozǵaltqyshtar» mamandyǵy boıynsha bitirgeni anyqtaldy. Qyzmet barysynda Áýe qorǵanysy kúshterinde túrli laýazymdardan ótken.
Mı-8 tikushaǵyn paıdalanýda úlken tájirıbesi bar, jalpy ushý ýaqyty 500 saǵattan asady. Qyzmet barysynda joǵary kásibılik pen adaldyq tanytqan. Úılengen, artynda eki balasy qaldy.
Odan bólek, mınıstrliktiń habarlamasynda jaraqat alǵandar týraly da aqparat berilgen.
"Apatty jaǵdaıdaǵy qoný kezinde zardap shekken áskerı ınstıtýt avıaııalyq eskadrılıasynyń komandıri maıor Bıbarys Ibraev pen oqý-jattyǵý avıaııalyq ortalyǵynyń aǵa ushqysh-nusqaýshysy aǵa leıtenant Rústem Nyǵmetov qazir oblystyq aýrýhanada jatyr. Jaǵdaılary turaqty aýyr. Olarǵa barlyq qajetti medıınalyq kómek kórsetilýde", — dep qosty vedomstvo baspasóz qyzmeti.
Qaza tapqan ofıer men zardap shekkenderdiń týystary men jaqyndaryna jan-jaqty qoldaý kórsetilýde.
Aıta keteıik, 9 qarashada bolǵan tikushaq apaty týraly oqıǵa kýágerleri aıtyp berdi.
