Shákárim ýnıversıtetiniń oqytýshysy, mádenıet salasynyń úzdigi, ánshi Qaırat Qabyshev Gınnes rekordtar kitabyna toqtaýsyz 100 án aıtýǵa ótinish berdi. Soǵan arnalǵan 12 qarasha kúni joldama konerti ótedi, dep habarlaıdy “Adyrna” ulttyq portaly.
Qazaq ániniń bıiktigin, sulýlyǵyn, qazaq ánshisiniń daýys qýatyn dáleldep, kórsetpekke Gınnes rekordtar kitabyna toqtaýsyz aıtatyn 100 ándi aldaǵy ýaqytta rekordtar kitabynyń ókilderi arnaıy kelip tyńdaıtyn bolady.
“1918 jyly Táshkende Qurmanbek Jandarbekov 101 án aıtypty degen sóz bar... Arada júz jyldan asa ýaqytta osy dúnıe qaıta jalǵaspaqshy... Qazaqta tańdy tańǵa uryp án aıtqan, jyr jyrlaǵan qanshama ánshiler men jyrshylar ótti. Bul qazirgi jyrshylar arasynda áli de saqtalǵanmen, ánshiler arasynda bulaı án aıtý dástúriniń toqtaǵanyna birshama ýaqyt boldy-aý! Qaırekeń solardyń izin jalǵap, búgingi jahandanǵan qoǵamnyń esine qaıta bir túsirmekshi”, deıdi dástúrli ánshi Erkin Shúkiman Facebook paraqshasynda.
