8 qaraşa künı Qazaq ūlttyq qyzdar pedagogikalyq universitetınde Qazaqstan Parlamentı Senatynyŋ deputaty, ūlaǧatty ūstaz Nöketaeva Dinar Jüsıpälıqyzynyŋ 60 jasqa toluyna orai kezdesu öttı.
8 qaraşa künı Qazaq ūlttyq qyzdar pedagogikalyq universitetınde ūlaǧatty ūstaz, eks-senator Nöketaeva Dinar Jüsıpälıqyzynyŋ 60 jasqa toluyna orai kezdesu öttı.
Nöketaeva Dinar Jüsıpälıqyzy – Qazaqstannyŋ bılım beru salasyna aituly üles qosqan tanymal tūlǧa, pedagogika ǧylymdarynyŋ kandidaty. Qazaq ūlttyq qyzdar pedagogikalyq universitetınıŋ materialdyq bazasyn nyǧaityp, bılım sapasyn arttyru baǧytynda eleulı jūmystar jürgızgen täjıribelı ūstaz.
Bügıngı kezdesu ūstazdyŋ käsıbi jetıstıkterın atap ötıp, bılım beru jüiesınıŋ damuyna qatysty özektı mäselelerdı talqylauǧa baǧyttaldy.
Taǧylymǧa toly kezdesude universitettıŋ jetken jetıstıkterı men alǧa qoiǧan josparlary da aityldy. Sonymen qatar studentter ūlaǧatty ūstazǧa beinerolik arqyly ystyq yqylastaryn jetkızıp, öz alǧystaryn aitty.
«Men 30 jylǧa juyq Dinar Jüsıpälıqyzymen bırge qyzmet etıp kele jatyrmyn. Ol kısınıŋ adamgerşılıgı men bastaǧan ısın soŋyna deiın jetkızetın qasietı barşamyzǧa ülgı. Dinar Jüsıpälıqyzynyŋ basşylyǧymen universitet Ūlttyq reiting üzdıgı, «QS halyqaralyq reitingısınde 3 jūldyz» iegerı atandy. Sonymen qatar 9 qabattyq jataqhana, «Aqqu» basseinı, «Qazaq aruy» subūrqaǧy salyndy. Bılım aluşylar da ǧylym, sport, öner salalarynda eleulı jetıstıkterge jettı», - dedı "QazNūr" gumanitarlyq kolledjınıŋ direktory Sabyrova Zäureş Quandyqqyzy.
Is-şara aiasynda Basqarma Töraǧasy-Rektory Gülmira Qanai Dinar Jüsıpälıqyzyn mereitoiymen qūttyqtap, Qazaq ūlttyq qyzdar pedagogikalyq universitetı atynan syilyq tabystady. Sondai-aq kezdesuge arnaiy qonaq bolyp kelgen ardager ūstazdardy tösbelgımen marapattady.
Ūstazdyŋ bılım salasyna qosqan qyzmetın baǧalap, jas pedagogtarǧa ülgı retınde körsetu üşın ötken kezdesu konserttık baǧdarlamaǧa ūlasty.
